പടങ്ങള്‍

മഞ്ഞപ്പാ

2009-02-27T03:16:00.000+09:00

കുളിരുവില്‍‌ക്കുമീ നീളക്കുളത്തില്‍ കുളിച്ചുനില്‍‌ക്കണതാരാണ്?
താരാണ്......?
താരാണ്......?

ആറപ്പാ

2009-02-26T03:09:00.002+09:00

പട്ടിക്കാട്ടിലെ പാലം

2008-10-22T01:18:00.001+09:00

ഇത് ടവര്‍ പാലമാണെന്ന് ചൂണ്ടിക്കാണിച്ച സാജന്‍‌സിന് ടാങ്ക്‍സ്.

മത്തായിത്തെരുവ്

2008-10-15T01:29:00.010+09:00

മിഠായി തിന്ന് മത്തായി മത്തായി
മത്തായി മത്തായി മത്തായിക്ക് മതിയായി
മിഠായി തിന്ന് മത്തായ മത്തായിക്ക് മിഠായി മതിയായി
മിഠായി തിന്ന് മത്തായ മത്തായിക്ക് മിഠായി മിത്തായി
മിത്തായ മിഠായി മത്തായിക്ക് മത്തിയായി
മിഠായി മിത്തായി മതിയായ മത്തായിക്ക് മത്തി മതിയായില്ല
മത്തി മതിയാകാത്ത മത്തായിക്ക് ഒടുവില്‍ വട്ടായി
വട്ടായ മത്തായിക്ക് മിഠായി മിത്തായി മത്തിയും മിത്തായി.

സില്‌ഹോ‌യൂ‌ഇറ്റേ...ത്തേ...ഠേ

2008-10-15T00:39:00.003+09:00

ലന്ദന്‍ ബ്രിഡ്‌ജ് ഈസ് ഫാളിംഗ് ഡൌണ്‍... പക്ഷേ ഇത് പാലം തേവരപ്പാലം (സാജന്‍‌സിന് നന്ദന്‍സ്) :)

ക്യോഴി

2008-05-16T01:17:00.004+09:00

ഞാനിത്തരം സരസമായ പടങ്ങളൊക്കെ ഇടുന്നതെന്തിനാണെന്നറിയാമോ?

ഇനിയിപ്പോള്‍ രണ്ടേ രണ്ട് വഴികള്‍ മാത്രം... ഒന്നുകില്‍ സരസമ്മയുമായി തെറ്റുക... അല്ലെങ്കില്‍... അല്ലെങ്കില്‍... യ്യോ ആലോചിക്കാന്‍ പോലും വയ്യ :)

പിയാനിംഗ് അഥവാ പ്യാനിംഗ്

2008-04-29T00:16:00.008+09:00

കൈപ്പള്ളി പ്യാനിംഗ് നടത്തി ഇത്തരം ഫോട്ടോകള്‍ എടുത്തത് കണ്ട് വണ്ടറായി സപ്തവും പ്യാനിംഗ് നടത്തി, ഇവിടെ.

പക്ഷേ അള്‍ട്ടിമേറ്റ് പ്യാനിംഗ് എന്ന് പറയുന്നത് അതൊന്നുമല്ല, ഇത് തന്നെ. നാടകാന്ത്യം കവിത്വം എന്ന് പറയുന്നതുപോലെ പാനിംഗാന്ത്യം പുക എന്നാണല്ലോ.

പക്ഷേ ഇതെല്ലാം കണ്ടപ്പോള്‍ എന്റെ സാമൂഹ്യബോധം പതിവുപോലെ ഉണര്‍ന്നു.

പ്യാനിംഗിലും ചാതുര്‍‌വര്‍ണ്ണ്യമോ? വിവേചനമോ?

ചാതുര്‍‌വര്‍ണ്ണ്യത്തിന്റെ ഉത്തമോദാഹരണമാണ്, ചതുര്‍വീലന്‍ വണ്ടികളുടെ പടങ്ങള്‍ മാത്രമേ പാനിംഗ് പടങ്ങളില്‍ കാണുന്നുള്ളൂ എന്നത്. അതെന്താ വണ്ടികളിലെ സവര്‍ണ്ണരാണോ ചതുര്‍‌വീലന്മാര്‍? പ്യാനിംഗിലും വേണ്ടേ സാമൂഹ്യനീതി? ഒരു സ്കൂട്ടറോ, ഓട്ടോയോ സൈക്കിളോ എന്തുകൊണ്ട് പ്യാനിംഗ് പടങ്ങളില്‍ കാണുന്നില്ല? ടെക്‍നോളജിക്കല്‍ ബ്രാഹ്‌മണിസമാണോ (കഃട്, ബെന്നി) ഇത്?

സംവരണത്തെപ്പറ്റിയുള്ള ചര്‍ച്ചകളൊക്കെ കാണുമ്പോള്‍, നരവംശശാസ്ത്രജ്ഞരും സാമൂഹ്യശാസ്ത്രജ്ഞരുമെല്ലാം മൂക്കിനു മുകളില്‍ നെറ്റിയില്‍ വരെ വിരല്‍‌വെക്കുന്ന തരത്തിലുള്ള ആശയങ്ങളും അഭിപ്രായങ്ങളുമൊക്കെ മലയാളം ബ്ലോഗില്‍ തന്നെ വായിക്കുമ്പോള്‍, എന്തുകൊണ്ട് തങ്ങള്‍ ഇങ്ങിനെയൊക്കെ ചിന്തിച്ചില്ല എന്ന് അവരൊക്കെ നാണിച്ച് അവരോട് തന്നെ ചോദിക്കുന്ന തരം വിശകലനങ്ങളൊക്കെ കാണുമ്പോള്‍, എന്നെപ്പോലുള്ള ഒരാള്‍ക്ക് തോന്നുന്ന സ്വാഭാവികസംശയമാണ് വാക്കുകളും പ്രവര്‍ത്തികളും തമ്മില്‍ അഗ്രജന്റെ അത്രയെങ്കിലും അനുപാതം ഇതിനൊക്കെയുണ്ടോ എന്നത്. അതായത് നമുക്ക് ഓരോരുത്തര്‍ക്കും, അത് അവര്‍ണ്ണരെന്ന് മുദ്രകുത്തപ്പെട്ടവരാണെങ്കിലും സവര്‍ണ്ണരെന്ന് മുദ്രകുത്തപ്പെട്ടവരാണെങ്കിലും, സാമൂഹ്യനീതിക്ക് വേണ്ടി എന്തൊക്കെ ചെയ്യാം? അല്ലെങ്കില്‍ നമ്മള്‍ ഇപ്പോള്‍ എന്താണ്, അണ്ണാറക്കണ്ണന്‍ രീതിയിലാണെങ്കിലും ചെയ്യുന്നത്? എന്താണ് ഇക്കാര്യത്തില്‍ നമ്മള്‍ ഓരോരുത്തരുടെയും ഉത്തരവാദിത്തങ്ങള്‍? അവ എങ്ങിനെയൊക്കെ നിറവേറ്റാം? അത്തരം രീതിയിലൊന്നും ചര്‍ച്ചകള്‍ പോകുന്നത് കാണുന്നേ ഇല്ല (എന്റെ കണ്ണിന്റെ കുഴപ്പം തന്നെ). അങ്ങിനെ ചര്‍ച്ചകള്‍ കാടുകയറിപ്പോകുമ്പോള്‍ പ്രായോഗികമായി നടപ്പില്‍ വരുത്താന്‍ പറ്റാത്ത ഒന്നാണോ സാമൂഹ്യനീതി എന്നുപോലും സംശയിച്ചുപോകുന്നു, എന്നെപ്പോലുള്ളവര്‍.

എന്തായാലും പ്യാനിംഗിലെ ചക്രവിവേചനത്തിനെതിരെയെങ്കിലും എന്നാലായത് എന്തെങ്കിലും ചെയ്യണമെന്ന് എനിക്ക് തോന്നി. വ്യത്യസ്തനായൊരു ബ്ലോഗറാം വക്കാരിയെ ഇവര്‍ മാത്രം (ഒന്ന്, രണ്ട്) തിരിച്ചറിഞ്ഞാല്‍ പോരല്ലോ. അതുകൊണ്ട് പ്യാനിംഗിലെ വര്‍ണ്ണവിവേചനത്തിനെതിരെ എന്റെ ഒറ്റയാള്‍ പോരാട്ടത്തിന്റെ ഫലമായി ലോകത്താദ്യമായി ഒരു ഓട്ടോറിക്ഷയുടെ പ്യാനിംഗ് പരീക്ഷണം നടത്തി ഞാന്‍. ഓട്ടോയുടെ പാനിംഗ് എന്താ കൊള്ളില്ലേ? ഓട്ടോയും മറ്റേത് ഓട്ടോമൊബൈലും പോലെ തന്നെ. പുത്തന്‍ വണ്ടി വാങ്ങിച്ചാല്‍ ആക്സന്റ് കാരനും പിന്നെഞ്ചിന്‍ ഓട്ടോക്കാരനും ആര്‍ട്ടീയോ ആപ്പീസില്‍ ക്യൂ നില്‍ക്കണം,രജിസ്റ്റര്‍ ചെയ്യാന്‍. അവിടെ എല്ലാവരും തുല്ല്യര്‍ മാത്രം. പിന്നെന്താ, പിയാനിംഗ് പടങ്ങളില്‍ ഓട്ടോയൊന്നും കാണാത്തത്? ഒന്നുകില്‍ ഒന്നും കാണൂല്ല, അല്ലെങ്കില്‍ കൊറോളയും സ്കോഡയും മാത്രം. വിവേചമല്ലാതെ മറ്റെന്ത്?

ആ ചരിത്രസംഭവത്തിന് ഇതാ മലയാളം ബ്ലോഗ് സാക്ഷ്യം വഹിക്കുന്നു:

എന്റെ വാക്ക് വെറുംവാക്കല്ല എന്ന് തെളിയിച്ചുകൊണ്ട് ഞാന്‍ മുച്ചക്രത്തില്‍ മാത്രമല്ല ഇരുചക്രത്തിലും പ്യാനിംഗ് നടത്തി:

യ്യോ, ഒരു മിനി അഗ്രജനായോ... ഇല്ല, ഇതിലുണ്ട് മൊത്തത്തില്‍:

പക്ഷേ, ആത്യന്തികമായി ഞാനാര്? ഒരു വലതുപക്ഷവര്‍ഗ്ഗീയതീവ്രഫാസിസ്റ്റ് വാദി. ജാത്യാലുള്ളത് തൂത്യാല്‍ പോകുമോ? ശങ്കര്‍‌ജി പിന്നെയും തെങ്ങേല്‍‌ജി തന്നെ. അതുകൊണ്ട് സംഭവം കറങ്ങിത്തിരിഞ്ഞ് ഇതും

ഇതുമൊക്കെയായി.

ഇതുമായി:

എന്തായാലും അള്‍ട്ടിമേറ്റ് പാനിംഗ് ഇതുതന്നെ

അതുകൊണ്ട് സംവരണത്തിന് കാരണമായ കാര്യങ്ങളെപ്പറ്റിയും വിവേചനങ്ങളെപ്പറ്റിയുമൊക്കെയുള്ള ചര്‍ച്ചകളും അതിനോടനുബന്ധിച്ചുള്ള പതിവ് ചീത്തവിളികളും അജണ്ടകള്‍ നടപ്പാക്കലുമൊക്കെ ഒരുവഴിക്ക് നടക്കട്ടെ. പക്ഷേ നമ്മള്‍ ഓരോരുത്തര്‍ക്കും നമ്മുടേതായ രീതിയില്‍ സാമൂഹ്യനീതിക്ക് വേണ്ടി എന്തൊക്കെ ചെയ്യാം എന്ന ഒരു തുറന്ന ചര്‍ച്ചയും (വ്യക്തിവൈരാഗ്യങ്ങളില്ലാതെ, പണ്ടത്തെ ദേഷ്യങ്ങളും കണക്കുകള്‍ഊം തീര്‍ക്കാനുള്ള അവസരമാക്കാതെ, മറുപക്ഷത്തിനെ കൊട്ടാനുള്ള വടിയാക്കാതെ, തുറന്ന മനസ്സോടെ, സാമൂഹ്യനീതീ എന്ന ഒറ്റ അജണ്ട മാത്രം മനസ്സില്‍ വെച്ചുകൊണ്ടുള്ള ചര്‍ച്ചകള്‍) അതിനോടൊപ്പം നടക്കട്ടെ. ചര്‍ച്ച മാത്രമല്ല, സമൂഹത്തിലെ എല്ലാ ജനവിഭാഗങ്ങളെയും, അവര്‍ അവര്‍ണ്ണരെന്ന് ലേബലടിക്കപ്പെട്ടവരാണെങ്കിലും സവര്‍ണ്ണരെന്ന് ലേബലടിക്കപ്പെട്ടവരാണെങ്കിലും, പിന്നോക്കമെന്ന് വിളിക്കപ്പെടുന്നവരാണെങ്കിലും മുന്നോക്കമെന്ന് വിളിക്കപ്പെടുന്നവരാണെങ്കിലും, അവരെയെല്ലാം വിശ്വാസത്തിലെടുത്ത്, എതിര്‍പ്പുള്ളവരുടെ എതിര്‍പ്പുകള്‍ തികച്ചും ന്യായമായ രീതിയിലും മാന്യമായ രീതിയിലും (പറയേണ്ട കാര്യങ്ങള്‍ പറയേണ്ട പോലെ പറയേണ്ടിടത്ത് പറയേണ്ടവര്‍ പറഞ്ഞാല്‍ വക്കാരിക്കൊഴിച്ചെല്ലാവര്‍ക്കും മനസ്സിലാവും എന്നാണല്ലോ) മാറ്റി, തെറ്റിദ്ധാരണകള്‍ മാറ്റേണ്ട രീതിയില്‍ മാറ്റി, നമ്മുടെയൊക്കെ ജീവിതകാലയളവില്‍ (ഒരായിരം കൊല്ലം കഴിഞ്ഞ് നമുക്ക് നോക്കാം എന്ന അഭിപ്രായത്തെ മാനിക്കുന്നു) നമുക്കോരോരുത്തര്‍ക്കും തികച്ചും പ്രായോഗികമായി സാമൂഹ്യനീതിക്ക് വേണ്ടി എന്തൊക്കെ ചെയ്യാം എന്നുള്ള നിര്‍ദ്ദേശങ്ങളും അവയൊക്കെ എങ്ങിനെ നടപ്പില്‍ വരുത്താം എന്നുള്ള ഒരു റോഡ് മാപ്പും ഒക്കെ വരട്ടെ, സംവരണചര്‍ച്ചകളില്‍. ഇനി മുകളില്‍ പറഞ്ഞതൊക്കെ തെറ്റാണെങ്കില്‍, വഴിതെറ്റിക്കുന്നതാണെങ്കില്‍, ഓക്കേ.

അതായത് ഒരു തികഞ്ഞ വലതുപക്ഷവര്‍ഗ്ഗീയതീവ്രഫാസിസ്റ്റ് ഭാഷയില്‍ പറഞ്ഞാല്‍ സ്വന്തം കാര്യമൊക്കെ ഓക്കേയാക്കി എന്ന് ഉറപ്പ് വരുത്തിയതിന് ശേഷം മാത്രം പ്രസംഗിക്കേണ്ട ഒന്നല്ല, സാമൂഹ്യനീതി. നമുക്ക് ഒരു ചോയ്സ് ഉണ്ടെങ്കില്‍ നമ്മുടെ കാര്യം എണ്‍പതുശതമാനം വരെപ്പോലും ചെയ്തോ, ബാക്കി ഇരുപത് ശതമാനമെങ്കിലും പിന്നോക്കമെന്ന് മുദ്രകുത്തപ്പെട്ട ഒരാള്‍ക്ക് വേണ്ടി ചെയ്യാന്‍ നമുക്കോരോരുത്തര്‍ക്കും (അത് പിന്നോക്കമെന്ന് മുദ്രകുത്തപ്പെട്ടവരാണെങ്കിലും മുന്നോക്കമെന്ന് മുദ്രകുത്തപ്പെട്ടവരാണെങ്കിലും) എത്രമാത്രം സാധിക്കും എന്നതിനെ അനുസരിച്ചിരിക്കും സാമൂഹ്യനീതി അതിന്റെ യഥാര്‍ത്ഥ അര്‍ത്ഥത്തില്‍ നടപ്പില്‍ വരുന്നത്. അല്ലാതെയുള്ളതൊക്കെ എന്തെങ്കിലും ചെയ്തു എന്നുള്ള മനഃസമാധാന പ്രക്രിയകള്‍ മാത്രം (എന്റെ, തികച്ചും വ്യക്തിപരമായ അഭിപ്രായം മാത്രം. ഇതിനെപ്പറ്റി ആധികാരികമായി പറയാന്‍ ഞാന്‍ ഒരു സാമൂഹ്യശാസ്ത്രജ്ഞനോ നരവംശശാസ്ത്രജ്ഞനോ ഒന്നുമല്ല-ഇതിനെപ്പറ്റിയുള്ള ഒരു പഠനം പോലും ഞാന്‍ നടത്തിയിട്ടില്ല. എന്റെ കാര്യം ഓക്കേയാക്കാന്‍ മാത്രം ശ്രദ്ധിക്കുന്ന തികച്ചും സ്വാര്‍ത്ഥനായ ഒരു വലതുപക്ഷവര്‍ഗ്ഗീയതീവ്രഫാസിസ്റ്റ് വാദി മാത്രം ഞാന്‍).

പാനിംഗിലെ ചാതുര്‍വര്‍ണ്ണ്യത്തിനെതിരെ ഞാ‍ന്‍ എന്റെ പോരാട്ടം തുടങ്ങി. ഇനി അടുത്തത് കാളവണ്ടിയുടെ പാനിംഗ് ആയിരിക്കും. തികച്ചും ചലഞ്ചിംഗ്.

അപ്പോള്‍ തുടങ്ങാം

2008-01-01T09:34:00.001+09:00

ഒരറ്റത്ത് നിന്നങ്ങ് തുടങ്ങാമല്ലേ. അങ്ങേയറ്റത്ത് എന്തോ വെളിച്ചം പോലെന്തോ ഒക്കെ കാണുന്നുണ്ടെന്ന് തോന്നുന്നു. നേരെ അങ്ങ് നടന്നാല്‍ മതി. അത്രയ്ക്ക് മസില് പിടിച്ചാലേ വഴിയൊക്കെ തെറ്റൂ. എന്നിട്ടും വഴിതെറ്റിയാല്‍ പിന്നെന്ത് പറയാന്‍...

എല്ലാ കൊല്ലവുമുള്ള പരിപാടിയല്ലേ...

ആന ഔണ്‍‌സ്മെന്റ്:

യാത്രക്കാരുടെ ശ്രദ്ധയ്ക്ക്. രണ്ടായിരത്തിയേഴില്‍ നിന്നും രണ്ടായിരത്തിയെട്ടിലേക്കുള്ള രണ്ടായിരത്തിയെട്ടാം നമ്പര്‍ വണ്ടി രണ്ടായിരത്തിയെട്ടാം നമ്പര്‍ പ്ലാറ്റ് ഫോമില്‍ എത്തിച്ചേര്‍ന്നിരിക്കുന്നു. ഇനിയെല്ലാം നിങ്ങളുടെ ഇഷ്ടം.

മുകളിലത്തേത് ശരിയല്ലെങ്കില്‍ താഴെ ഒന്നുകൂടി.

എല്ലാവര്‍ക്കും ഈ വര്‍ഷം വളരെ നന്നായിരിക്കട്ടെ.

നന്ദിയപ്പാ

2007-12-31T09:37:00.000+09:00

പ്രിയപ്പെട്ട രണ്ടായിരത്തിയേഴേ,

നമ്മള്‍ തമ്മില്‍ കണ്ടുമുട്ടിയിട്ട് ഇന്നേക്ക് പന്ത്രണ്ട് മാസം തികഞ്ഞിരിക്കുകയാണ്. ചേട്ടച്ചാരായ 2006 പെന്‍ഷന്‍ പറ്റി പോയ ഒഴിവിലാ‍യിരുന്നല്ലോ താങ്കള്‍ ചാര്‍ജ്ജ് എടുത്തിരുന്നത്. ചേട്ടനെക്കാളും ഉജ്ജ്വല്‍ കുമാറായിരുന്നോ താങ്കളെന്ന് ചോദിച്ചാല്‍ രണ്ടുപേരും എനിക്ക് വളരെ പ്രിയപ്പെട്ടവരായിരുന്നു എന്നേ പറയാന്‍ പറ്റൂ. ചേട്ടനെപ്പോലെ തന്നെ താങ്കളും അടിപൊളിയായിരുന്നു. നല്ല നല്ല ഓര്‍മ്മകള്‍ താങ്കളും നല്‍കി. അങ്ങിനെ മൊത്തത്തില്‍ അങ്ങിനെയങ്ങ് പോയി.

നിങ്ങളുടെ സേവനം അനുഭവിച്ച കാക്കത്തൊള്ളായിരം ആള്‍ക്കാരില്‍ ഒരാള്‍ മാത്രമാണ് ഞാന്‍. എന്റെ വ്യക്തിപരമായ അനുഭവങ്ങള്‍ക്ക് ഇവിടെ വലിയ കാര്യമൊന്നുമില്ല. ലോകം മുഴുവന്‍ നിങ്ങള്‍ക്ക് നോക്കി നടത്തേണ്ടതാണെന്നറിയാം. അപ്പോള്‍ ഒരിടത്ത് കയറ്റമാണെങ്കില്‍ മറ്റൊരിടത്ത് ഇറക്കമായിരിക്കും. കാരണം ലോകത്തില്‍ ടോട്ടല്‍ ഈസ് എ കോണ്‍സ്റ്റാന്റിനോപ്പിള്‍ ആണല്ലോ. അങ്ങിനെ നോക്കുമ്പോള്‍ ലോകത്ത് പലയിടത്തും നാട്ടില്‍ തന്നെയും പല പല പ്രശ്‌നങ്ങളും ചേട്ടച്ചാരുടെ കാലത്തെന്നപോലെ നിങ്ങളുടെ കാലത്തുമുണ്ടായി. അറിയാം, ഇതെല്ലാം നിങ്ങള്‍ തന്നെ നോക്കി നടത്തേണ്ടേ. എന്നെപ്പോലുള്ളവരല്ലേ ടീംസ്. വലിയ പാടു തന്നെയാവും. മെച്ചപ്പെടുമായിരിക്കുമല്ലേ. അങ്ങിനെ പ്രത്യാശിക്കാം.

നിങ്ങളൊക്കെ ഓരോ കൊല്ലവും ഡിസംബര്‍ 31 ന് ശേഷം എങ്ങോട്ടാണ് പോകുന്നതെന്ന് മാത്രം യാതൊരു പിടുത്തവുമില്ല. എവിടെയാണെങ്കിലും അടിച്ച് പൊളിച്ച് തന്നെ കഴിയും എന്ന് വിചാരിക്കുന്നു. ഇനി വരാന്‍ പോകുന്ന അനിയന്‍ 2008 എപ്പടി? പ്രശ്‌നക്കാരനാവില്ല എന്ന് കരുതുന്നു.

അപ്പോള്‍ വ്യക്തിപരമായി പറയുകയാണെങ്കില്‍ ചെയ്ത എല്ലാ നല്ല കാര്യങ്ങള്‍ക്കും ഹൃദയം നിറഞ്ഞ നന്ദി. നിങ്ങള്‍ക്ക് ശുഭയാത്ര നേരുന്നു. ഇനി മറ്റു പലയിടത്തും നിങ്ങള്‍ക്ക് ഇതുപോലുള്ള യാത്രയയപ്പ് ചടങ്ങുകളില്‍ പങ്കെടുക്കാനുണ്ടെന്നറിയാം. അതുകൊണ്ട് ദീര്‍ഘിപ്പിക്കുന്നില്ല. എങ്കിലും ഞാനോര്‍ക്കുകയാണ്. 365 ദിവസവും ഞങ്ങളെ സേവിച്ച നിങ്ങള്‍ പടിയിറങ്ങിപ്പോകുമ്പോള്‍ നിങ്ങളുടെ സേവനങ്ങള്‍ക്ക് ഒരു നന്ദി പറയാതെ ഇനി വരാന്‍ പോകുന്ന, എന്തായിരിക്കും, എങ്ങിനെയായിരിക്കും എന്നൊന്നുമറിയാത്ത അനിയച്ചാരെ വരവേല്‍ക്കാന്‍ ആള്‍ക്കാരൊക്കെ അക്ഷമരായിരിക്കുമ്പോള്‍ നിങ്ങള്‍ക്ക് എന്തെങ്കിലുമൊക്കെ ഫീലിംഗ്സ് ഉണ്ടാവാറില്ലേ? കാലചക്രം ഒരു ചക്രമായതുകൊണ്ടും അതിങ്ങനെ കറങ്ങിക്കറങ്ങിയിരിക്കുന്നതുകൊണ്ടും 2006 നും ഇതേ ഫീലിംഗ്സൊക്കെ ഉണ്ടായിരുന്നു, അന്ന് നിങ്ങള്‍ അതൊക്കെ ആലോചിച്ചോ എന്ന് താത്വികമായി ചോദിക്കാമായിരിക്കുമല്ലേ. അന്ന് അടിച്ച് പൊളിച്ച് വന്ന് എല്ല്ലാവരോടും ഹായ് ഒക്കെ പറഞ്ഞ് ചാര്‍ജ്ജ് എടുത്തപ്പോള്‍ ഓര്‍ത്തിരുന്നോ പന്ത്രണ്ട് മാസം കഴിയുമ്പോള്‍ നിങ്ങള്‍ക്കും പോകേണ്ടി വരും എന്ന്? സാരമില്ല, പ്രജകളായ ഞങ്ങളും ഇത്തരം കാര്യങ്ങളൊന്നും ഓര്‍ക്കാറില്ല. എങ്കിലും നിങ്ങളുടെ സേവനങ്ങള്‍, ചെയ്ത ഉപകാരങ്ങള്‍ ഇതൊക്കെ എങ്ങിനെ മറക്കാന്‍? സമരണ വേണം, കുറഞ്ഞ പക്ഷം തേവരയിലെങ്കിലും സമരണ വേണം എന്നാണല്ലോ ഞങ്ങളുടെ നേതാവ് സുരേഷ് ഗോപിയണ്ണന്‍ തന്നെ പറഞ്ഞിരിക്കുന്നത്. അതുകൊണ്ട് നിങ്ങളെ ഞാന്‍ എന്നും ഓര്‍ക്കും.

ഒരിക്കല്‍ കൂടി ഹൃദയം നിറഞ്ഞ നന്ദി. നിങ്ങള്‍ക്ക് എല്ലാ നന്മകളും നേരുന്നു. നിങ്ങള്‍ എവിടെയാണെങ്കിലും സന്തോഷുമായി കഴിയാന്‍ സാധിക്കട്ടെ. ഈ 365 ദിവസത്തെപ്പറ്റിയും ഒരു അവലോ കനം നടത്തി എന്തെങ്കിലുമൊക്കെ ടിപ്സ് അനിയന് കൊടുക്കാന്‍ പറ്റിയാല്‍ അതും നന്നായിരിക്കും.

അപ്പോള്‍ മൂന്നാമതൊരിക്കല്‍ കൂടി നന്ദി. വീശ് യൂ ആള് താന്‍ ബെസ്റ്റ്. സീയൂ, ബായ്‌ബായ്, ടേയ്ക്ക് കെയര്‍ ആന്‍ഡ് ഡോണ്ട് ടേയ്ക്ക് ദാറ്റ് കയര്‍. ബാ‍ാ‍ാ‍ാ‍ാ‍ായ്

അതിന്യൂനത ഫോട്ടോഗ്രാഫിറ്റി

2007-12-30T08:10:00.000+09:00

ഇങ്ങിനെയൊരു പടം പിടിക്കാന്‍ വേണ്ട സംഭവങ്ങള്‍:

1. കൈമറ
2. കൈവിറ
3. മരത്തല
4. സര്‍വ്വാംഗപുച്ഛഭാവം
5. ലോകത്തോട് മൊത്തത്തില്‍ ദേഷ്യം
6. ബീപ്പി 150/100

അര്‍ദ്ധരാത്രി ഒരു ഏഴെട്ട് മണിയാകുമ്പോള്‍ പട്ടി ചന്തയ്ക്ക് പോകുന്ന സ്റ്റൈലില്‍ കൈമറയും കഴുത്തില്‍ തൂക്കി ഇറങ്ങുക. ഒരു നാല്‍‌ക്കവലയില്‍ പട്ടി മുള്ളാന്‍ നില്‍‌ക്കുന്ന സ്റ്റൈലില്‍ നില്‍‌ക്കുക. രാത്രിയില്‍ ഷേക്കില്ലാതെ, ഫ്ലാഷില്ലാതെ, എന്താണ് പടത്തിലെന്ന് സ്വല്പമെങ്കിലും കാണാന്‍ പറ്റുന്ന പടമെങ്ങിനെ എടുക്കുമെന്ന് യാതൊരു ഐഡിയായുമുണ്ടാവരുത്. വൃത്തവും താ‍ളവും ഈണവുമെല്ലാം കവിതയ്ക്ക് വേണമെന്ന് പറയുന്നവരെ ആധുനികര്‍ ചീത്ത വിളിക്കുന്നതിലും ശക്തിയില്‍ മൂന്നിന്റെ നിയമവും ഫ്രെയിമിന്റെ പ്രാധാന്യവുമൊക്കെ പടം പിടുത്തത്തിന്റെ കാര്യത്തില്‍ പറയുന്നവരെയെല്ലാം ചീത്തവിളിക്കുക. ഷട്ടര്‍ പ്രയോരിറ്റി മോഡിയെയും അപേര്‍ച്ചര്‍ പ്രയോരിറ്റി മോഡിയെയും മാനുവല്‍ മോഡിയെയും എല്ലാം ചീത്ത വിളിക്കുക. നല്ല ഫോട്ടോകള്‍ എടുക്കുന്നവരെയെല്ലാം പത്ത് ചീത്ത പറയുക. ആ ഫോട്ടോയെല്ലാം നല്ലതാണെന്ന് പറയുന്നവരെ ഒന്നുകൂടി ചീത്ത വിളിക്കുക. മറുനാട്ടിലാണെങ്കില്‍ ഉച്ചത്തില്‍ മലയാളത്തില്‍ തന്നെ ചീത്ത വിളിക്കുക. അപ്പുവിനെയും സപ്തത്തെയുമെല്ലാം രണ്ട് ചീത്ത കൂടുതല്‍ വിളിക്കുക.

എന്നിട്ട് ക്യാമറ കൈയ്യിലെടുക്കുക. ഒരു പുച്ഛഭാവത്തില്‍ ചുറ്റും നോക്കുക. നോട്ടം കണ്ടാല്‍ ഏതവനും രണ്ട് ചീത്ത ഇങ്ങോട്ട് വിളിക്കുന്ന രീതിയിലായിരിക്കണം. വ്യൂ ഫൈന്‍ഡറില്‍ കൂടി നോക്കണമെന്നൊന്നുമില്ല, വേണമെങ്കില്‍ ആവാമെന്ന് മാത്രം. ചുമ്മാ ക്ലിക്കുക. മലര്‍ന്ന് കിടന്ന് ഓതിരം മറിഞ്ഞ് തിരിഞ്ഞമര്‍ന്ന് ചെരിഞ്ഞുനോക്കി വായുവില്‍ ചാടി പിന്നേം ചാടി മലര്‍ന്നടിച്ച് കമഴ്‌ന്നുവീണ് കൈകുത്തി കാല്‍കുത്തി ഒരുകാലില്‍ ചാടി പിന്നെ രണ്ടുകാലിലും ചാടി പുറം തല്ലി വീണ് കുത്തിയിരുന്ന് എല്ല്ലാം ക്ലിക്കുക. മാനുവല്‍ മോഡിയിലും അപേര്‍ച്ചര്‍ പ്രിയോര്‍ മാങ്ങയിലും ഷട്ടറിട്ടും ഇടാതെയും ഓട്ടോ മോഡിലും ഫ്ലാഷിട്ടും ഇടാതെയും എല്ലാം ക്ലിക്കുക. ചുമ്മാ ക്ലിക്കുക. എന്നിട്ട് വീട്ടില്‍ പോയിക്കിടന്നുറങ്ങുക.

രാവിലെ സുപ്രഭാതം കേട്ടുണരുക. ഒരു കുളിയൊക്കെ പാസ്സാക്കി നല്ല ഫ്രഷായി ചൂടിഡ്ഡലിയും ചൂട് സാമ്പാറും ചൂടു ചായയും കുടിച്ച് കമ്പ്യൂട്ടറില്‍ പടമെല്ലാം കയറ്റുക. പത്ത് മുന്നൂറ് ക്ലിക്കുകളില്‍ ഒരെണ്ണമെങ്കിലും ശരിയാവാതിരിക്കുമോ? ഇനി ഒരെണ്ണം പോലും മൊത്തത്തില്‍ ശരിയായില്ലെങ്കില്‍ ഒരു ഫോട്ടോയെ ആയിരമോ രണ്ടായിരമോ ആയി വിഭജിച്ച് ആയിരത്തില്‍ നാന്‍ ഒരുവന്‍ സ്റ്റൈലില്‍ അതിന്റെ രണ്ടായിരത്തിലൊരംശമെങ്കിലും ശരിയാവാതിരിക്കുമോ? ലൈസ്, ഇടുക്കി ഡാം ലൈസ് ആന്‍ഡ് സ്റ്റാറ്റിസ്റ്റിക്സ് എന്നാണ് മഹദ്‌ വചനമെങ്കിലും സ്റ്റാറ്റിസ്റ്റിക്സ് അത്ര മോശം സയന്‍സൊന്നുമല്ല.

അപ്പോള്‍ ആഞ്ഞു പിടി, ആഞ്ഞ് ഞെക്ക്, കികിപോപോ.

കഥയപ്പാ

2007-12-28T21:35:00.001+09:00

പ്രകൃതിരമണിച്ചേച്ചി സുന്ദരിയായിരുന്നു (എന്നായിരുന്നു കണ്ടവരൊക്കെ പറഞ്ഞത്).

സുശീലയായിരുന്നു, സുഭാഷിണിയായിരുന്നു, സുമുഖിയായിരുന്നു എന്നൊക്കെ പറയുന്നത് കല്ലുവാതുക്കലെ കല്ലുവെച്ച നുണകള്‍ മാത്രം.

കാരണം രമണിയെങ്ങിനെ സുശീലയാകും? സുഭാഷിണിയാകും? സുമുഖിയാവും? രമണി രമണിയല്ലേ? മുഴുവന്‍ പേര് പ്രകൃതിരമണി. ഞങ്ങള്‍ സ്നേഹത്തോടെ പ്രകൃതിരമണിച്ചേച്ചീ എന്ന് നീട്ടിവിളിച്ചു.

അബദ്ധകുമാരന്‍ നായര്‍ പട്ടാളത്തിലായിരുന്നു-റോയല്‍ നായേഴ്സ് ഫോഴ്സില്‍.

മൊത്തത്തില്‍ എന്തോപോലെയൊക്കെയാണ് ഷേപ്പെങ്കിലും ഏതാണ്ടൊരു ചേനച്ചന്തമൊക്കെ ഏതോ ആംഗിളിലിലൊക്കെയുണ്ടെന്നായിരുന്നു അബദ്ധകുമാരന്‍ നായരുടെയെങ്കിലും അബദ്ധധാരണ. ബാക്കിയുള്ളവര്‍ക്കൊക്കെ ഒരു ധാരണയുമില്ലായിരുന്നു. ചേട്ടനെങ്ങിനെയിങ്ങിനെയായിപ്പോയി എന്ന് നമുക്കല്ലെ അറിയൂ.

കൂടുതലെന്തു പറയേണ്ടൂ... അബദ്ധകുമാരന്‍ നായര്‍ ഒരുതവണ ലീവിനു വന്നപ്പോള്‍ പ്രകൃതിരമണിച്ചേച്ചിയെ കല്ല്യാണം കഴിച്ചു-അറേഞ്ച്ഡ് മാര്യേജ്.

ഹണിയില്‍ മൂണിനെക്കാണാന്‍ രാത്രിയില്‍ ഈ നദിക്കരയിലൊക്കെ വന്ന് മാനത്ത് നോക്കിയിരിപ്പായിരുന്നു രണ്ടുപേരും.

രാത്രിയല്ലേ, തണുപ്പല്ലേ, മഞ്ഞല്ലേ. മൊത്തം ഷേക്കായി.

കൂടുതലെന്ത് പറയേണ്ടൂ... ആ ദാമ്പത്തികവല്ലരിയില്‍ പൂത്തുലഞ്ഞു രണ്ട് പുത്രന്മാര്‍. ഇരട്ടകള്‍. സിസേറിയനായിരുന്നു.

ഒന്നാമന്‍ എ.പി. മണ്ടനായ്. പാസ്‌പോര്‍ട്ടിലെ മുഴുവന്‍ പേര് അബദ്ധകുമാരന്‍ നായര്‍ പ്രകൃതിരമണി മണ്ടനായ്

രണ്ടാമന്‍ എ.പി. ലണ്ടനായ്

രണ്ടുപേര്‍ക്കും പ്രകൃതിരമണിച്ചേച്ചിയുടെ സൌന്ദര്യമൊന്നും കിട്ടിയില്ലെന്നാണ് പൊതുജനസംസാരം. അബദ്ധകുമാരന്‍ ചേട്ടന്റെ കട്ടാണത്രേ കൂടുതല്‍.

എങ്കിലും സ്വല്പം ഗ്ലാമര്‍ കൂടുതല്‍ എ.പി ലണ്ടനായ്‌ക്കാണെന്നായിരുന്നു ലണ്ടനായിയുടെയെങ്കിലും അബദ്ധധാരണ.

...ത്രേള്ളൂ

ബോട്ടപ്പാ

2007-12-16T07:03:00.000+09:00

ഈ ലോകത്ത് എത്രതരം ബോട്ടുകളുണ്ട് എന്നറിയണമെങ്കില്‍ ഇവിടെ നോക്കിയാല്‍ മതി. അല്ലെങ്കില്‍ എറിക്‍സണായാലും മതി. സീമെന്‍സ് വേണ്ടാ...ല്ലേ :)

പ്രകൃതിരമണിച്ചേച്ചി

2007-12-02T03:17:00.000+09:00

പിന്നേം വഴിയിലായപ്പാ

2007-10-11T07:17:00.000+09:00

ഇത് പണ്ട് വിശാലനുകൊടുത്ത ഈ വഴിയുടെ മറുവഴി. ഈ വഴി പോയാല്‍ ഈ വഴികളിലെത്താം. എല്ലാം പെരുവഴിയില്‍.

പടവുകളപ്പാ

2007-10-04T08:03:00.000+09:00

ബിജു മേനോന്‍...

2007-09-29T19:21:00.000+09:00

...അല്ലേ പണ്ട് മിഖായേലിന്റെ സന്തതികള്‍ എന്ന ടി.വി. സീരിയലില്‍ അഭിനയിച്ചത്?

മിഖായേലിന്റെ സന്തതിയല്ലെ ജോര്‍ജ്ജ് മിഖായേല്‍?

ബിജു മേനോനല്ലേ മിഖായേലിന്റെ സന്തതികളില്‍ മിഖായേലിന്റെ സന്തതിയായി അഭിനയിച്ചത്?

മിഖായേലിന്റെ സന്തതിയെയല്ലേ ജോര്‍ജ്ജ് മിഖായേലെന്ന് പറയുന്നത്?

ഇത് ജോര്‍ജ്ജ് മിഖായേലിന്റെ പടമല്ലേ?

അപ്പോള്‍ ആരാണ് ജോര്‍ജ്ജ് മിഖായേല്‍? മിഖായേലിന്റെ സന്തതി.

ആരാണ് മിഖായേലിന്റെ സന്തതി? ജോര്‍ജ്ജ് മിഖായേല്‍

അപ്പോള്‍ പിന്നെ എന്താ പ്രശ്‌നം?

ഒരു പ്രശ്‌നവുമില്ല.

“പ്രശ്‌നം പ്രശ്‌നമല്ലുണ്ണീ
പ്രശ്‌നമില്ലായ്‌മയല്ലോ പ്രശ്‌നം”

തുരുത്തപ്പാ

2007-09-22T07:11:00.000+09:00

ഈ തുരുത്തില്‍ ഞാന്‍ തനിയെ

ങാ...ഹാ...

2007-09-17T07:20:00.000+09:00

പണിത വീട് എല്ലാ‍വരും കൂടി കണ്ണ് വെച്ച് പൊളിഞ്ഞല്ലോ എന്നോര്‍ത്ത്, ആള്‍ക്കാരുടെ കുറ്റപ്പെടുത്തല്‍ സഹിക്കാന്‍ വയ്യാതെ ചെവിയും പൊത്തി, ദോ ഇങ്ങിനെ

ഇരിക്കുമ്പോഴാണ് പൊതുവാളണ്ണന്‍ ഫീനിക്സ് പക്ഷിയെപ്പോലെ കുതിച്ചുയരാന്‍ ഉപദേശിച്ചത്.

ഉടന്‍ തന്നെ ഫീനിക്സ് പക്ഷിയെ തപ്പിയിറങ്ങി. ഇതിനുമുന്‍പ് കണ്ടിട്ടില്ല, അത്തരം പക്ഷിയെ.

ഇതായിരിക്കുമോ...? കൊക്ക് കണ്ടിട്ട് ഒരു ഫീനിക്സ് ലുക്കൊക്കെയുണ്ട്.

അല്ലെങ്കില്‍ ഇതായിരിക്കും... മറ്റവരുടെ കൊക്കിലാണെങ്കില്‍ ലെവന്റെ കാലിലാണ് ഫീനിക്സ് ലുക്ക്.

എന്തായാലും അത് കുതിച്ചുയരുന്നതും നോക്കി ഒരു ദിവസം മുഴുവന്‍ ഇരുന്നു. കുതിച്ച് പോയിട്ട് കിതച്ചുപോലും ലെവന്മാര്‍ ഉയര്‍ന്നില്ല. എന്തായാലും പക്ഷിയെ കണ്ടല്ലോ.

മൂര്‍ത്തി പറഞ്ഞു, ഒരു നോക്കുകുത്തിപ്പോസ്റ്റ് ഇട്ടിട്ടായിരുന്നെങ്കില്‍ ചിലപ്പോള്‍ വീട് പൊളിയില്ലായിരുന്നെന്ന്. മൂര്‍ത്തിയെത്തന്നെ മനസ്സില്‍ ധ്യാനിച്ച് ഒരു നോക്കുകുത്തിയെ സംഘടിപ്പിച്ചു. പോസ്റ്റും സംഘടിപ്പിച്ച് കൊടുത്തു.

അങ്ങിനെ എല്ലാവരുടെയും അനുഗ്രഹാശിസ്സുകളോടെ ഞാന്‍ പൊളിഞ്ഞ വീട് പുതിയ പ്ലാനില്‍ പുതുക്കിപ്പണിതു.

അങ്ങിനെ ഞാനാരായീ...?

ശിം...കം

പൊളിഞ്ഞപ്പാ...

2007-09-16T06:42:00.000+09:00

എല്ലാവരും കൂടി കണ്ണ് വെച്ചപ്പോഴേ എനിക്കറിയാമായിരുന്നു ഇത് ഇങ്ങിനെയേ വരികയുള്ളൂ എന്ന്. നാടോടിക്കാറ്റില്‍ തിലകന്‍ പറയുന്നതുപോലെ “എന്തൊരു ബഹളമായിരുന്നു... ഇഷ്ടിക, കല്ല്, തടി, വടി, മുടി, പലക, ഒലക്ക, ഒലക്കേടേ മൂട്...” ദേ കണ്ടില്ലേ, ഇപ്പോള്‍ എല്ലാം ഇടിഞ്ഞ് പൊളിഞ്ഞ് പാളീസായി നാമം പോലും അവശേഷിക്കാതെ കിടക്കുന്നത്. സമാധാനമായല്ലോ...

പാല് കാച്ചലിന് സ്പെഷ്യലായി ഇറക്കുമതി ചെയ്ത പശുക്കള്‍ മാത്രമുണ്ട് മിച്ചം. സുന്ദരന്റെ ആഗ്രഹം സാധിച്ചു. അതുങ്ങള്‍ക്ക് പുല്ല് തിന്നാന്‍ മുട്ടനൊരു ലോണും.

എല്ലാം ഒരു പ്രേതസ്വപ്നം പോലെ. സാജന്‍ പറഞ്ഞതുപോലെ മലയാളത്തില്‍ ഒരു പേരുമിടാം - പ്രേതാലയം :)

പണിതപ്പാ

2007-09-14T05:38:00.001+09:00

നിന്നെപ്പോലെതന്നെ നിന്റെ അയല്‍‌ക്കാരനെയും കാണുക എന്ന തിയറി പ്രകാരം ബ്ലോഗില്‍ ബുദ്ധിയുള്ളവര്‍ ഇല്ലെന്ന് തന്നെയാണ് ഞാനോര്‍ത്തത്. പക്ഷേ ഞാന്‍ ഒരു പാറ്റേണ്‍ പൊക്കിക്കൊണ്ട് വന്നപ്പോള്‍ തന്നെ മുരളിയേട്ടന് കത്തി. അത് കഴിഞ്ഞ് ഇഷ്ടികയും കല്ലും തടിയും കണ്ടപ്പോള്‍ തന്നെ അലിഫിനും പേര് പേരയ്ക്കായ്ക്കും കത്തി. ഒരു വീട് പണിയാനുള്ള തത്രപ്പാടല്ലായിരുന്നോ... ആദ്യം ഇഷ്ടികയൊപ്പിച്ചു, പിന്നെ കല്ലൊപ്പിച്ചു, പിന്നെ തടിയൊപ്പിച്ചു, അങ്ങിനെ ലോണൊക്കെയെടുത്ത് (ലോണ്‍ ഇവിടുണ്ട്) ഒരുവിധത്തില്‍ പണിതു. പാല് കാച്ചിക്കളയും ഞാന്‍, ഒരുനാള്‍ :)

പണിയാവുമോ?

തടിയപ്പാ

2007-09-13T06:10:00.000+09:00

തടി കേടാവുമോ?

കല്ലപ്പാ

2007-09-11T08:23:00.000+09:00

കല്‍ പാന്തകാലത്തോളം കാതരേ നീയെന്‍ മുന്നില്‍ കല്‍ ഹാരഹാരവുമായ് നില്പൂ...
കല്ലും കല്ലും... തമ്മില്‍ തമ്മില്‍... കല്ലുകള്‍ കൈമാറുമനുരാഗമേ...
കല്ലില്‍ കല്ലില്‍ നോക്കിയിരിക്കാന്‍...
കല്ല് ഹോ നാ ഹോ
കല്ലോടു കല്ലായ സ്വപ്‌നങ്ങളില്‍...

ഇഷ്ടികയാണ് പക്ഷേ...

2007-09-03T05:42:00.000+09:00

ഇഷ്ടി കക്കളങ്ങള്‍
ഇഷ്ടിപൂര്‍ത്തി
ഇഷ്ടിക പൂര്‍ത്തി
ഇഷ്ടിക പ്രാണേശ്വരി
ആരാന്റിഷ്ടിക കൊച്ചിഷ്ടിക
ഇഷ്ടികയെത്തും മുന്‍പേ
ഇഷ്ടികക്കൂട്ടത്തില്‍ തനിയെ
ഇഷ്ടികയുള്ളവര്‍ക്ക് സമാധാനം
ഇഷ്ടികപ്രഭു
ഇഷ്ടിക ഇഷ്ടികേന ശാന്തികൃഷ്ണ

കൂടുതല്‍ ഇവിടെ

അണ്ണാറക്കണ്ണനും തന്‍ അന്നം താന്‍ അന്നം

2007-08-28T06:31:00.000+09:00

കിറ്റോണത്തെ കുറ്റോണം കുറ്റം പറയുന്നവരേ, കിറ്റുപോലുമില്ലാതെ ഞാന്‍ ഓണസദ്യയുണ്ടത് കണ്ടോ.

നല്ല ചൂട് വസുമതിച്ചോറ്
നാരങ്ങാ അച്ചാര്‍
മാങ്ങാ അച്ചാര്‍
പപ്പടം
പാവയ്ക്കാ കൊണ്ടാട്ടം
അവിയല്‍ (കടപ്പാട് - നരിയങ്ങാനത്തെ ചേച്ചിമാര്‍ക്കും ചേട്ടന്മാര്‍ക്കും)
വാഴച്ചുണ്ട് തോരന്‍ (കടപ്പാട് - നരിയങ്ങാനത്തെ ചേച്ചിമാര്‍ക്കും ചേട്ടന്മാര്‍ക്കും)
പാവയ്ക്കാ തീയല്‍ (കടപ്പാട് - ഗ്രാന്റുമ്മ)
പുളിശ്ശേരി (കടപ്പാട് - ഗ്രാന്റുമ്മ)
തൈര് (ഫ്രിഡ്‌ജില്‍; കടപ്പാട് - ഏതോ പശുവിന്)
....
....
ഇതെല്ലാം കഴിഞ്ഞ് നല്ല ഒന്നാന്തരം അടപ്രഥമനും (പിന്നേം കടപ്പാട് - നരിയങ്ങാനത്തെ ചേച്ചിമാര്‍ക്കും ചേട്ടന്മാര്‍ക്കും).
പശ്ചാത്തലത്തില്‍ തരംഗിണിയുടെ ഉത്സവഗാനങ്ങള്‍. ഉത്രാടപ്പൂനിലാവേ വാ... യില്‍ തുടങ്ങിയത് സദ്യ കഴിഞ്ഞപ്പോള്‍ പായിപ്പാട്ടാറ്റിലെ വള്ളം കളിയായി. ഇതെല്ലാം കഴിഞ്ഞ് ഒന്നൊന്നര മണിക്കൂര്‍ സുഖമായ ഉറക്കവും.

എല്ലാവര്‍ക്കും ഹാപ്പി ഓണസദ്യ.

ഏറനാടന് സമര്‍പ്പണം

2007-08-21T05:46:00.000+09:00

പൂമഠത്തെ പെണ്ണിനെ കാണാന്‍ ഏറനാടന്‍ സഹിച്ച ത്യാഗങ്ങള്‍ വായിച്ചപ്പോള്‍ ആ ത്യാഗത്തിനു പകരം വെക്കാന്‍ എനിക്കിത് മാത്രമേ ഉള്ളല്ലോ എന്നുള്ള സങ്കടം മാത്രം.

സത്യമായിട്ടും അനുരാധ, ടി.ജി. രവി തുടങ്ങിയ സ്വഭാവ നടീനടന്മാര്‍ മത്സരിച്ചഭിനയിച്ച പടമാണെന്ന യാതൊരു ഐഡിയായുമില്ലാതെയാണ് ആ സിനിമയുടെ ഇന്‍-ഹൌസ് പരസ്യ പ്രചരണ പരിപാടി ഞാന്‍ സ്വമേധയാ ഏറ്റെടുത്തതും പോസ്റ്ററെഴുതി സ്വീകരണമുറിയില്‍ തന്നെ ഒട്ടിച്ച് വെച്ചതും എല്ലാവരെയും കൊണ്ട് “വെല്‍ ഡണ്‍ മൈ ഡിയര്‍ ബോയ്” എന്ന് തന്നെ പറയിപ്പിച്ചതും.

സ്വാതന്ത്ര്യദിനാശംസകള്‍

2007-08-15T07:12:00.000+09:00

എല്ലാവര്‍ക്കും സ്വാതന്ത്ര്യദിനാശംസകള്‍.

അപ്പോള്‍ ആര്‍ക്കും പ്രശ്‌നമില്ല അല്ലേ... എന്നാല്‍ മതി

2007-08-09T05:05:00.000+09:00

ആ പുള്ളിക്കാരന്‍ ഇത്തിരി പ്രശ്‌നക്കാരനാണ് കേട്ടോ. ഭയങ്കര ദേഷ്യക്കാരനാണ്...സൂക്ഷിക്കണം. ഞാന്‍ പാവമല്ലേ... എന്നെ കണ്ടാല്‍ അറിയാന്‍ വയ്യേ...

ആര്‍ക്കാ...അവിടെ...പ്രശ്‌നം?

2007-08-08T07:30:00.000+09:00

സ്ട്രോബിലാന്തസ് കുന്തി ആന അപ്പാ

2007-08-05T02:11:00.001+09:00

...ആണെന്നാ അവിടെ നിന്ന ചേട്ടന്‍ പറഞ്ഞത്. സീസണൊക്കെ കഴിഞ്ഞായിരുന്നു പോയത്. സീസണ്‍ കഴിഞ്ഞും ഒറ്റയ്ക്കും പെട്ടയ്ക്കും പട്ടയടിച്ചും ലെവന്മാര്‍ ഇങ്ങിനെ മലഞ്ചെരുവുകളില്‍ കാണുമായിരിക്കും.

വിളക്കപ്പാ...വഴിവിളക്കപ്പാ

2007-07-29T03:31:00.000+09:00

വിളക്കുള്ളപ്പോള്‍ വിളക്കിന്റെ വില അറിയില്ല...
വിളക്കില്ലെങ്കിലോ അതില്ലെന്നുമറിയില്ല
(വിളക്കിനൊക്കെ ഇപ്പോ എന്താ വില...)

പോസ്റ്റപ്പാ

2007-07-22T05:55:00.000+09:00

എത്രയെത്ര വീടുകള്‍ക്ക് വെളിച്ചമേകി
എത്രയെത്ര ബള്‍ബുകള്‍ക്ക് തെളിച്ചമേകി
എത്രയെത്ര അടുപ്പുകള്‍ക്ക് ഊര്‍ജ്ജമേകി
എത്രയെത്ര ഉടുപ്പുകളെ തേച്ചുമിനുക്കി
എത്രയെത്ര ഗാനങ്ങള്‍ക്ക് ശബ്ദം നല്‍കി
എത്രയെത്ര സീരിയലുകള്‍ക്ക് ജീവനേകി
എത്രയെത്ര ശ്വാനന്മാര്‍ മൂത്രമൊഴിച്ചു
എത്രയെത്ര കാക്കകള്‍ കാഷ്ടമിട്ടു
എത്രയെത്ര .........

പോസ്റ്റില്ലെങ്കില്‍ കറന്റില്ല*,
പോസ്റ്റില്ലെങ്കില്‍ ബ്ലോഗില്ല,
കറന്റില്ലെങ്കിലും ബ്ലോഗില്ല,
ബ്ലോഗില്ലെങ്കില്‍ ഉറങ്ങില്ല...

ചുമ്മാ ഒരു ബ്ലോഗ്, അതില്‍ ചുമ്മാ ഒരു പോസ്റ്റ്...
പോസ്റ്റിന്റെ പോസ്റ്റ്---ബെസ്റ്റ്പോസ്റ്റ്---കം‌പോസ്റ്റ്---വെറും വേസ്റ്റ്

*(അത് ചുമ്മാ പ്രാസത്തിന്)

വെള്ളത്തുള്ളികളപ്പാ

2007-07-17T07:52:00.000+09:00

സപ്ത പച്ചാള്‍സുകള്‍ തുള്ളികളുടെ പടങ്ങള്‍ ഇട്ടപ്പോള്‍ കൈയ്യിലുള്ള പലതുള്ളികളെല്ലാം കൂടി പെരുവെള്ളമ്മായി ഇവിടെ...

പഞ്ഞമാസത്തിലെ പോസ്റ്റുകളെല്ലാം പഞ്ഞം പിടിച്ചതാവുമോ ആവോ...

സെന്‍‌സറടിച്ചുപോയോ അപ്പാ?

2007-07-12T07:26:00.000+09:00

നിഷാദിന്റെ ഭാസ്കരന്റെ മുഖക്കുരു പടത്തില്‍ സപ്തത്തിന്റെ കമന്റ് കണ്ടപ്പോള്‍ മനഃസമാധാനം മൊത്തത്തില്‍ പോയി. സൂര്യന്റെ നേരേ നോക്കിയല്ലായിരുന്നോ ഫോക്കസിംഗും ക്ലിക്കിംഗും. കണ്ണടിച്ചുപോകാത്തത് ഭാഗ്യം. പക്ഷേ സെന്‍‌സറടിച്ച് പോയോ ആവോ? പക്ഷേ സംഗതി കൊല്ലം ഒന്നായി ഈ ക്ലിക്കൊക്കെ ക്ലിക്കിയിട്ട്. ഇതിനുശേഷം അഞ്ചുമാസം മുന്‍പും സൂര്യനെ ഫോക്കസ് ചെയ്ത് ക്ലിക്കി.

ഇവിടെ വായിച്ചപ്പോള്‍ സ്വല്പം കണ്‍‌ഫ്യൂഷനായെങ്കിലും കുറച്ച് ആശ്വാസവും കിട്ടി.

എന്തായാലും ഭാസ്‌കരേട്ടനെ ഷൂട്ട് ചെയ്യുന്ന പരിപാടി നിര്‍ത്തി. അങ്ങിനെയൊരു കെണിയുണ്ടെന്ന് എനിക്കറിയാനേ വയ്യായിരുന്നു. സപ്തത്തിന് നന്ദി. നിഷാദിന്റെ വിശദീകരണത്തിനും

തോടപ്പാ

2007-07-06T07:28:00.000+09:00

ലോണപ്പാ...

2007-06-28T08:57:00.000+09:00

എന്തോ....

പാച്ചുവിന് പിറന്നാളാശംസകള്‍

2007-06-26T07:09:00.000+09:00

പാച്ചുവിന് ഹൃദയം നിറഞ്ഞ പിറന്നാളാശംസകള്‍!.

ടോപ് സ്റ്റേഷനപ്പാ

2007-06-24T04:30:00.000+09:00

ജോസഫ് മാഷിന്റെ അമ്പൂരി പടം കണ്ടുകൊണ്ടിരിക്കുമ്പോഴാണ് പ്രകൃതിരമണീയമായ സ്ഥലങ്ങള്‍ ടൂറിസ്റ്റുകളാല്‍ എങ്ങിനെ കുളമാവാവുന്നതെന്നൊക്കെ ചിന്തിച്ചത്. ഞാന്‍ ആദ്യം മൂന്നാര്‍ കാണുന്നത് ആയിരത്തിത്തൊള്ളായിരത്തിയെണ്‍പതുകളില്‍. അന്നത്തെ മൂന്നാറും ഇന്നത്തെ മൂന്നാറും തമ്മില്‍ അജാന്തരം, ഗജാന്തരം പിന്നെ അന്തരാന്തരം. അന്ന് മാട്ടുപ്പെട്ടിയിലെ ഭാരത-കത്രികപ്രദേശ സംയുക്ത മാടുവളര്‍ത്തല്‍ കേന്ദ്രത്തില്‍ താമസിച്ച് കുണ്ടള ഡാമിന്റെയവിടെയെത്തി ഇപ്പോള്‍ ടോപ് സ്റ്റേഷനിലേക്ക് പോകുന്ന വഴിവഴി കുറച്ച് ചെന്നപ്പോള്‍ റോഡ് തീര്‍ന്നു. ഒരു വണ്ടിക്കുള്ള സ്ഥലം മാത്രം റോഡില്‍. ഒരു വിധത്തില്‍ വണ്ടി ഒടിച്ചുമടക്കി തിരിച്ചെടുത്ത് (ഞാനല്ല) പിന്നെ കുണ്ടളഡാമിന്റെ മുകളില്‍ കൂടി വിദ്യാപോയിന്റ് വഴി പോയി ടോപ് സ്റ്റേഷനിലേക്ക്. ആ വഴി ഇപ്പോള്‍ അടച്ചിരിക്കുകയാണെന്ന് കേട്ടു. ആ വഴി പോയാല്‍ സായിപ്പിന്റെ ഗോള്‍ഫ് കോഴ്സൊക്കെ കാണാം. മനോഹരമായ യാത്രയായിരുന്നു അത്.

അന്ന് ടോപ് സ്റ്റേഷനിലെത്തിയപ്പോള്‍ ഉയരസിക്ക്‍നെസ്/സിന്‍ഡ്രോം പോലെന്തോ ബാധിച്ചതിനാല്‍ വണ്ടിയില്‍ നിന്നും പുറത്തിറങ്ങിയില്ല. ബോഡിനായ്ക്കന്നൂരോ മറ്റോ കാണാമെന്നും പറഞ്ഞ് ബാക്കിയുള്ളവരൊക്കെ പോയി, കണ്ടു. തിരിച്ച് വരുന്ന വഴി ഒരു തേയില ഫാക്ടറിയൊക്കെ സന്ദര്‍ശിച്ച് കഴിഞ്ഞപ്പോള്‍ രാത്രിയായി. കൂടെയുണ്ടായിരുന്ന ടാറ്റാ ടീയില്‍ ജോലിയുള്ള അമ്മാവന്റെ സുഹൃത്ത് ഒന്നും മിണ്ടുന്നില്ല. അദ്ദേഹമായിരുന്നൂ ഞങ്ങളുടെ ഗൈഡ്. മൊത്തം ഇരുട്ട്. വണ്ടിയുടെ ലൈറ്റ് മാത്രമാണ് വഴികാട്ടി. ഇടയ്ക്കാരൊക്കെയോ കൈകാണിച്ചപ്പോഴൊക്കെ കൂടെയുള്ള പുള്ളി പറഞ്ഞു, നിര്‍ത്തണ്ട എന്ന്. എന്നിട്ടും അദ്ദേഹത്തിന്റെ മൌനത്തിന്റെയോ മുഖത്തെ സംഭ്രമത്തിന്റെയോ കാരണം ഞങ്ങള്‍ക്കാര്‍ക്കും പിടികിട്ടിയില്ല. ഇടയ്ക്ക് കൈവരിയില്ലാത്ത ഒരു പാലത്തിലേക്ക് വണ്ടി യൂടേണ്‍ എടുക്കാന്‍ തുടങ്ങിയപ്പോള്‍ വണ്ടിയോടിക്കുന്ന രണ്ടാമമ്മാവന്റെ അടുത്തിരുന്ന മൂത്ത അമ്മാവന്‍ വെപ്രാളപ്പെട്ട് സ്റ്റിയറിംഗില്‍ പിടിച്ച് ഒറ്റത്തിരിയും വിഷമിച്ച് കാലുകൊണ്ട് ബ്രേക്കിനിട്ട് ആഞ്ഞൊരു ചവിട്ടും-ഭാഗ്യത്തിന് വണ്ടി തോട്ടില്‍ ചാടിയില്ല.

അങ്ങിനെ സംഭവബഹുലമായ ആ യാത്ര മാട്ടുപ്പെട്ടിയില്‍ അവസാനിച്ച് എല്ലാവരും വണ്ടിയില്‍ നിന്നും ഇറങ്ങിയപ്പോ‍ള്‍ പുറകില്‍ നിന്നും ശൂഊഊഊഊഊഊ എന്നൊരു ശബ്‌ദം.

ഞങ്ങളുടെ വഴികാട്ടിയുടെ ദീര്‍ഘനിശ്വാസമായിരുന്നു. കാരണം എന്നും ആനയിറങ്ങുന്ന വഴിയില്‍‌ക്കൂടിയായിരുന്നത്രേ ഞങ്ങളുടെ ആ സഞ്ചാരം.

പിന്നെയും പഡമപ്പാ

2007-06-17T07:37:00.000+09:00

പിന്നേം അലമ്പാവുമോ അപ്പാ?

2007-06-06T07:40:00.000+09:00

പണ്ടൊരു പടം താമരയെന്നോര്‍ത്തിട്ട് അവസാനം ആമ്പലായി ആകെയലമ്പാലായി അലമ്പായി. ഇതുമൊരു ചിന്ന ആമ്പല്‍, ചിന്നാ‍മ്പല്‍, ചിന്നം‌ബാള്‍. ക്യോട്ടോയിലെ ഒരു അമ്പലത്തിലെ ആമ്പല്‍‌കുളം.

ഷോഡാ വാരിയര്‍

2007-05-28T05:50:00.000+09:00

ഇനിയെങ്ങാനും കൊച്ചുണ്ണീടെ സോഡാ തീര്‍ന്നുപോയാല്‍ ഇവിടുണ്ട് വലിയൊരു കുപ്പി.

മരമപ്പാ

2007-05-22T06:59:00.000+09:00

മരമണ്ട(ന്‍)

എത്രയെത്ര... (അല്ലേല്‍ വേണ്ട അല്ലേ)

സാക്ഷിക്ക് പിറന്നാളാശംസകള്‍

2007-05-09T07:49:00.000+09:00

വരയന്‍ പുലി സാക്ഷിക്ക് ഒരു വര തന്നെ കൊടുക്കേണ്ടേ.

കമ്പും പിടിച്ച് പാലത്തിലൂടെ ബാലന്‍സ് ചെയ്ത് വരുന്ന സാക്ഷിയെക്കണ്ടല്ലേ കൈരളിയിലെ ആ അണ്ണന്‍ ചോദിച്ചത്, സാക്ഷിക്കെന്താ, കമ്പുണ്ടോ...

സാക്ഷിയേ, സ്നേഹം നിറഞ്ഞ പിറന്നാളാശംസകള്‍.

കോക്കപ്പാ

2007-05-08T03:44:00.000+09:00

ഒരു കോക്കീയന്‍ വിലാപം

ഞാന്‍ കോക്കപ്പന്‍...
നായനാര്‍ സര്‍ക്കാരിനാല്‍ (അല്ലേ?)
കെട്ടിയെഴുന്നള്ളിച്ച് കൊണ്ടുവന്ന്
പ്ലാച്ചിമടയില്‍ കുടിയിരുത്തപ്പെട്ടവന്‍.
അവിടുത്തുകാര്‍ക്ക് പണി കൊടുത്തവന്‍.
പണി ജോലിയായും കൊടുത്തു,
പിന്നെ അവരുടെ വെള്ളം കുടി മുട്ടിച്ചും പണി കൊടുത്തു
പിന്നെയും പലര്‍ക്കും പണി കൊടുത്തു.
ഇന്നും പലരും ഞാന്‍ മൂലം അവിടെ പണിയെടുക്കുന്നു-സത്യാഗ്രഹപ്പണി*.
പ്ലാച്ചിമടയെ ലോകപ്രശസ്തമാക്കിയവന്‍ ഞാന്‍
പക്ഷേ എന്നെ ഇപ്പോള്‍ പ്ലാച്ചിമടക്കാര്‍ തള്ളിപ്പറയുന്നു.
അല്ല, എന്നെ തള്ളിപ്പറഞ്ഞല്ലേ പ്ലാച്ചിമട ലോകപ്രശസ്തമായത്?
എന്നെക്കാളും വെള്ളം ഊറ്റുന്നവന്‍ മലബാര്‍ സിമന്റ്സ് (ആണോ?)
പക്ഷേ എന്നെ എല്ലാവരും കൂടി വെള്ളം കുടിയനാക്കി!
കുടിക്കാന്‍ നിങ്ങള്‍ക്ക് വെള്ളമില്ലെങ്കിലെന്താ ഞാനില്ലേ?
ഞാനുണ്ടെങ്കില്‍ പിന്നെ നിങ്ങള്‍ക്ക് വെള്ളമെന്തിന്?
എത്രയെത്ര ഗവേഷണശാലകള്‍ നാട്ടില്‍...
കോക്കുകൊണ്ട് കഞ്ഞിവെക്കാമോ എന്ന് ആരെങ്കിലും ഇതുവരെ ഗവേഷണം നടത്തിയിട്ടുണ്ടോ?
കഞ്ഞിവെള്ളത്തെക്കാള്‍ എത്ര നല്ലതാണ് കോക്കുവെള്ളം‍ എന്നാരെങ്കിലും നോക്കിയിട്ടുണ്ടോ?
കീടനാശിനി എന്നില്‍ മാത്രമേ ഉള്ളോ?
പിന്നെ ഞാനെന്ത് പിഴച്ചു?
നിങ്ങളുടെ കുടിയല്ലേ എന്റെ ശക്തി, എന്റെ പ്രചോദനം...
നിങ്ങളില്ലെങ്കില്‍ പിന്നെ എനിക്കെന്താഘോഷം?**
നിങ്ങള്‍ക്ക് വേണ്ടെങ്കില്‍ എനിക്കും വേണ്ട.
പോകാന്‍ പറ.

സമര്‍പ്പണം: ?

* കോളവിരുദ്ധ സമരത്തിന് വിദേശസാമ്പത്തിക സഹായമുള്‍പ്പടെ സഹായങ്ങളുണ്ടായിരുന്നെന്നും ഫണ്ടിംഗിലുള്ള കള്ളക്കളികള്‍ മൂലം തദ്ദേശവാസികള്‍ പലരും സമരത്തില്‍ നിന്നും പിന്‍‌വാങ്ങിയെന്നും ഇപ്പോള്‍ അവിടുത്തെ സമരത്തില്‍ വരുത്തന്മാര്‍ മാത്രമേ ഉള്ളൂ എന്നും രാഷ്ട്രീയപാര്‍ട്ടികളില്‍ ജനതാദള്‍ മാത്രമേ ഉള്ളൂ എന്നുമൊക്കെയുള്ള ഒരു പത്രവാര്‍ത്ത (ലിങ്ക് തപ്പിയിട്ട് കിട്ടിയില്ല-പത്രങ്ങള്‍ യുണീകോടാക്കാത്തതിന്റെ പ്രശ്‌നം)

** കടപ്പാട്- അറിയാമല്ലോ

കൈമള്‍: ഇത് വെറും നേരം‌പോക്കാണേ, മറ്റൊന്നുമല്ല.

സ്റ്റെഫി ഗ്രാഫിറ്റി

2007-05-06T00:35:00.000+09:00

പ്രചോദനം, കുമാര്‍‌ജിയുടെ ഈ പോസ്റ്റ് (പടബ്ലോഗില്‍ കുമാര്‍ജി പറുവചോദന്‍ ആകുന്നത് ഇത് രണ്ടാം തവണ-ആദ്യതവണ ഇവിടെ).

ഉള്ളത് പറഞ്ഞാല്‍ ഈ ഗ്രാറ്റുവിറ്റിയുടെ മുന്നില്‍ കൂടി എന്നും നടക്കുമ്പോഴൊക്കെ ഓര്‍ക്കാ‍റുണ്ടായിരുന്നു, ലെവന്റെ ഒരു പടം പിടിക്കണമെന്ന്. പിറാപിറാ ഇവിടെ ഇതുപോലൊന്ന് ഇട്ടിട്ടുള്ളത് പണ്ട് കണ്ടിരുന്നെങ്കിലും (അതും ഇതും തമ്മില്‍ താരതമ്യം ചെയ്യുന്നത് ഇന്ത്യന്‍ ഗ്രാഫിറ്റി ആക്ട് പ്രകാരം ക്ഷമയില്ലാത്ത കുറ്റം)സന്തോഷ് പറഞ്ഞപ്പോഴാണ് അതിന്റെ കാര്യം ഓര്‍ത്തത്. പക്ഷേ ഞാന്‍ ആ ജിറാഫിറ്റി ഇടുന്നതിന് മുന്‍പ് ഗ്രാഫിറ്റിയെപ്പറ്റി ഒരു കിടിലന്‍ പോസ്റ്റുതന്നെയിട്ട് കുമാര്‍ജിയെന്നെ പിന്നെയും തോല്‍‌പിച്ചു. ഇതിനു മുന്‍പ് കിരണിന്റെ പോസ്റ്റില്‍ യഹോവാ സാക്ഷികളെപ്പറ്റി പറഞ്ഞപ്പോള്‍ ഛായാഗ്രാഹകന്‍/സംവിധായകന്‍ വേണുവിനെ ഓര്‍ത്ത് (യഹോവാ സാക്ഷികളുടെ ദേശീയഗാന പ്രശ്‌നത്തില്‍ അവര്‍ ദേശീയ ഗാനം പാടാതിരുന്ന സ്കൂളിലെ ഹെഡ്‌മിസ്‌ട്രസ്സ് ആയിരുന്നു വേണുവിന്റെ അമ്മ എന്നൊരോര്‍മ്മ) മനസ്സങ്ങെടുത്തതേ ഉള്ളൂ, ദേ കിടക്കണൂ, വേണു ചിരിച്ചോണ്ടിരിക്കുന്ന ഒരു ഫോട്ടോ, കുമാര്‍ജിയുടെ ബ്ലോഗില്‍.

കളിയെന്നോടു വേണ്ടാ സിയാ

2007-04-27T08:08:00.000+09:00

സിയ വളരെ കഷ്ടപ്പെട്ട് ആദിത്യ ചാരി (സ്റ്റില്‍‌സ് ചാരീടെ?)യുടെ പുസ്തകമൊക്കെ വായിച്ച് നാലഞ്ച് മണിക്കൂറുകൊണ്ട് രണ്ട് പടമൊക്കെ വരച്ച് വലിയ കാര്യത്തില്‍ ബ്ലോഗിലിട്ടപ്പോള്‍ എനിക്ക് സത്യത്തില്‍ ചിരിയാണ് വന്നത്. അതിനെക്കാളും പതിന്‍‌മടങ്ങ് ഉദാത്തമായ കലകള്‍ വളരെപ്പണ്ടേ വരച്ച് കൂട്ടിയിട്ട എന്നോടാണോ കളി-അതും മള്‍ട്ടി കളറില്‍.

എന്തൊക്കയായാലും ഈ ഉദാത്തകലയുടെ സമര്‍പ്പണം ബിന്ദുവിന്. ഞാന്‍ ഫ്രീഹാന്‍ഡായി വരച്ച ഈ പടം കണ്ടിട്ടും എന്നെ വരദരാജനായി വരക്കാരനായി വക്കാരിയായി അംഗീകരിക്കില്ല എന്ന് പറഞ്ഞാല്‍ പിന്നെ മാസ്റ്റര്‍ പീസ് പുറത്തിറക്കാതിരിക്കാന്‍ പറ്റുമോ.

കലേഷിനും സിജുവിനും പിറന്നാളാശംസകള്‍

2007-04-13T23:59:00.000+09:00

നിഷാദും ദേവേട്ടനുമൊക്കെ കലേഷിന്റെ പിറന്നാളിന് കലേഷിന്റെ തന്നെ ഫോട്ടോകളിട്ടപ്പോള്‍ എനിക്ക് ഹോര്‍ലിക്സായി, കോം‌പ്ലാനായി, വട്ടായി. എന്റെ കൈയ്യിലാണെങ്കില്‍ കലേഷിന്റെ ഫോട്ടോയൊട്ടില്ല താനും. ആകപ്പാടെ വെപ്രാളമായി. എന്തിടണം... കലേഷെന്ന് കേട്ടപ്പോള്‍ പെട്ടെന്ന് മനസ്സില്‍ വന്നതിതൊക്കെയാ... ഇതിലേതിടണം?

ഇതിട്ടാല്‍ മതിയോ...?

അതോ ഇതായാലോ...?

എന്നാല്‍ പിന്നെ ഇത് തന്നെ കിടക്കട്ടല്ലേ.

ഇതാവുമ്പോള്‍ ആവനാഴി പറഞ്ഞ പ്രകാരം ഇത് ഒരുവശത്തുകൂടിയും കലേഷ് ഇതിന്റെ സൈഡ് പറ്റിയും പോവുകയാണെങ്കില്‍ ഇതിനെക്കാളും സ്പീഡില്‍ കലേഷിനും കലേഷിനെക്കാളും സ്പീഡില്‍ ഇതിനും പോകാന്‍ പറ്റാതെ ആപേക്ഷിക സിദ്ധാന്തം ആപ്പായി അമ്മാവന്‍ വണ്ടിയെ അപേക്ഷിച്ച് കലേഷിന്റെ വെലോസിറ്റിയും കലേഷിനെ അപേക്ഷിച്ച് അമ്മാവന്‍ വണ്ടിയുടെ വെലോസിറ്റിയും എല്ലാം പൂജ്യമായ്, ചന്ദ്രനായ്, താരമായ്, യ്യായ്യായ്...

സിജുവേ, ഇതില്‍ ഏതും കലേഷിന് പൂ പോലെ പുഷ്പം പോലെ പുഷപ്പുപോലുമെടുക്കാതെടുക്കാം. സിജു അങ്ങിനെയൊന്നും എടുത്ത് പൊക്കരുതേ. അരകല്ലാണെങ്കില്‍ പോലും കലേഷിനോട് ഒന്ന് താങ്ങിയേക്കാന്‍ പറയണേ. അരകല്ലിന്റെ പിള്ളക്കല്ല് ഒരു വിരലുകൊണ്ടെടുത്ത് പോക്കറ്റിലിട്ടിട്ട് തള്ളക്കല്ല് കക്ഷത്തിലും വെച്ച് കലേഷ് വീട്ടില്‍ കൊണ്ടുവന്ന് തരും. ആട്ടുകല്ലാണെങ്കിലും അങ്ങിനെ തന്നെ. ഒരു കക്ഷത്തില്‍ അത് വെച്ച് ബാലന്‍സ് ചെയ്യാന്‍ മറുകക്ഷത്തില്‍ ഒരു തേങ്ങായും വെച്ച് പുള്ളി സംഗതി ഹോം ഡെലിവറി.

കലേഷേ, സിജുവേ, ഇന്ന് വെള്ളിയാഴ്‌ചയാണ്. പോരാത്തതിന് പതിമൂന്നാം തീയതിയുമാണ്. ഇത് കണ്ട് വായിച്ച് മനസ്സില്‍ തോന്നുന്ന വികാരങ്ങളെല്ലാം ചെകുത്താന്‍ നിങ്ങളെക്കൊണ്ട് ചെയ്യിക്കുന്നതാണ്. സ്വല്‍‌പം വെയിറ്റു ചെയ്യുക എന്ന എന്റെ തന്നെ തിയറി പ്രാവര്‍ത്തികമാക്കി എല്ലാം കടിച്ച് പിടിച്ച് പല്ലുകടിച്ച് കിടന്നുറങ്ങുക. നാളെ മേടം ഒന്ന്. എല്ലാം ശരിയാകും.

പിന്നേം സൂര്യകാന്തിയപ്പാ

2007-04-07T20:29:00.000+09:00

ഒന്നൂടെ

കണ്ണന്‍ ദേ വണ്ടി

2007-04-04T06:08:00.000+09:00

ആരുമില്ലാത്ത ഒരു മുറിയില്‍ കമ്പ്യൂട്ടറും തുറന്ന് വെച്ച് ഈ പടം സ്ക്രീന്‍ മൊത്തമാക്കി മാറ്റി ഒരു കണ്ണടച്ച്പിടിച്ച് പടത്തില്‍ തന്നെ ഒരു മിനിറ്റ് തുറിച്ച് നോക്കുക. ഒരു ത്രിമാന ദൃശ്യം കാണുന്നില്ലെങ്കില്‍ മറ്റേ കണ്ണടച്ച് പിടിച്ച് ഒരു ഒരുമിനിറ്റും കൂടി തുറിച്ച് തന്നെ നോക്കുക. എന്നിട്ടും ത്രിമാനത്തില്‍ ഒന്നും കാണുന്നില്ലെങ്കില്‍ രണ്ടുകണ്ണും അടച്ച് പിടിച്ച് നല്ല നാലു ചീത്ത ദ്വൈമാനത്തില്‍ അപമാനത്തിലാക്കാന്‍ പറയുക, എന്നെ. രണ്ടു ചെവിയും പൊത്തി ഞാന്‍ കേട്ടോളാം.

(ഒരു കണ്ണടച്ചുപിടിച്ചുള്ള എ‌ക്സര്‍സൈസ് ആയതുകൊണ്ട് ഓഫീസിലിരുന്ന് ഒരു കാരണവശാലും ഇത് ചെയ്യരുത്).

കുടയപ്പാ

2007-03-20T07:17:00.000+09:00

എത്രയെത്ര പേമാരികളില്‍ നിന്ന് രക്ഷനല്‍കി...
എത്രയെത്ര മഴത്തുള്ളികളെ തടഞ്ഞുനിര്‍ത്തി...
എത്രയെത്ര സൂര്യരശ്‌മികളെ പിടിച്ചുനിര്‍ത്തി...
എത്രയെത്ര ചര്‍മ്മങ്ങള്‍ക്ക് കാന്തിയേകി...
എത്രയെത്ര മഞ്ഞുതുള്ളികളെ തട്ടിനീക്കി...
എത്രയെത്ര ആള്‍ക്കാരില്‍‌നിന്നും ഒളിവുനല്‍‌കി...
എത്രയെത്ര ബസ്സുകളില്‍ സീറ്റുപിടിച്ചു...
എത്രയെത്ര മാങ്ങകള്‍ കുത്തിവീഴ്ത്തി...
എത്രയെത്ര അപ്പൂപ്പന്മാര്‍ക്ക് ഊന്നുവടിയായി...
എത്രയെത്ര പൂവാലന്മാര്‍ക്ക് ഭീഷണിയായി...
എത്രയെത്ര കാക്കക്കാഷ്ടങ്ങളില്‍‌നിന്നും രക്ഷയേകി...
എത്രയെത്ര പ്രാവിന്‍‌കാട്ടങ്ങള്‍ ഏറ്റുവാങ്ങി...

എത്രയെത്ര മഴകള്‍...
എത്രയെത്ര വെയിലുകള്‍...
എത്രയെത്ര മഞ്ഞുകള്‍...
എത്രയെത്ര കാക്കകള്‍...
എത്രയെത്ര പ്രാവുകള്‍...
എത്രയെത്ര ചെളിവെള്ളങ്ങള്‍...
എത്രയെത്ര ചമ്മലുകള്‍...

പക്ഷേ ഒരു കാറ്റ്...
വീശിയടിച്ച ഒരേയൊരു കാറ്റ്...
എന്റെ ചിന്തകളെയും...
വിചാരങ്ങളെയും...
എന്റെ പൊന്നോമനക്കുടെയെയും...
തലകീഴാക്കി ഒടിച്ച് മറിച്ച് പീസുപീസാക്കിയല്ലോ...

എത്രയെത്ര ചമ്മലുകള്‍...

കൊടേം കിട്ടി, പിടീം കിട്ടി. പക്ഷേ രണ്ടും പീസുപീസായി.

കുടയപ്പാ...വെള്ളം വീണാല്‍ കുടയപ്പാ...കുടഞ്ഞ് കുടഞ്ഞ് ഒടിഞ്ഞപ്പാ...പുത്തനൊരെണ്ണം വാങ്ങിയപ്പാ.

ശുംഭം.

പൂവപ്പാ

2007-03-16T08:02:00.000+09:00

ചേമ്പിലയപ്പാ

2007-03-12T07:46:00.000+09:00

കഷ്ടപ്പെട്ട് തോട്ടുവക്കത്തിറങ്ങി ചെരിഞ്ഞ് മറിഞ്ഞ് കിടന്ന് ചേമ്പിലയൊപ്പിക്കൊണ്ടിരുന്നപ്പോളാണ് ലെവന്മാര്‍ വന്ന് ചുമ്മാ ഞെക്കിക്കളിയാണെന്ന് പറഞ്ഞ് കളിയാക്കിയത്. എല്ലാവനെയുമെടുത്തു. പിന്നെ ചേമ്പിലയുമെടുത്തു.

ഇനി പണ്ട് അലമ്പലായതുപോലെ ഇത് ഇല ചേമ്പല്ല, ചക്കയുമല്ല, മാങ്ങയുമല്ല എന്ന് പറഞ്ഞാല്‍ ഞാനെപ്പം നിര്‍ത്തി ഈ പണി എന്ന് ചോദിച്ചിട്ടൊരു കാര്യവുമില്ല. നിര്‍ത്തൂല്ല.

മരവളയും...

2007-03-07T07:49:00.000+09:00

വളയും...

മാലയും.

വളക്കാരനുമുണ്ടായിരുന്നു. പക്ഷേ...

പടമപ്പാ

2007-02-27T08:35:00.000+09:00

ജറ്റപ്പാ

2007-02-24T09:18:00.000+09:00

ശനിയന്‍ ജറ്റുകളോടിക്കളിക്കുവാനെത്തുന്ന മാനത്തെ ചക്കരമാവിന്‍ ചുവട്ടിലെ പടമിട്ടപ്പോള്‍ എനിക്കും തോന്നി ആശേ നിനക്ക് ദോശതിന്നാനാശയുണ്ടെങ്കിലാശാന്റെ മേശ തുറന്ന് കാശെടുത്ത് ദോശതിന്നാശയടക്കാശേ ആശ. ഞാനുമിട്ടു, ജറ്റ് (“റ്റ” തന്നെ).

കടപ്പാക്കട: ശനിയന്റെ ജറ്റൈഡിയാ (ശ്രദ്ധിച്ച് വായിക്കണേ)

കുറുമയ്യന്നഭിനന്ദനങ്ങള്‍...

2007-02-23T06:36:00.000+09:00

പണ്ട് വിശാലന് ഭാഷാ ഇന്ത്യാ അവാര്‍ഡ് കിട്ടിയപ്പോള്‍ ഒരു പൂന്തോട്ടം മൊത്തത്തില്‍ കൊടുത്തു...

കൊടകരപുരാണം പുസ്തകമാക്കാന്‍ തീരുമാനിച്ചപ്പോള്‍ വിശാലന് ഒരു റബ്ബര്‍ തോട്ടം മൊത്തത്തില്‍ കൊടുത്തു...

അപ്പോള്‍ പിന്നെ കുറമാന് കുറയ്ക്കാന്‍ പറ്റുമോ. കിടക്കട്ടെ, ഒരു തേയിലത്തോട്ടം മൊത്തത്തില്‍.

ഇന്തീബ്ലോഗവാര്‍ഡ് കിട്ടിയ കുറുമാന് എന്റെ എളിയ ഉപഹാരം... മൂന്നാറിലെ തേയിലത്തോട്ടം മൊത്തത്തില്‍. അറുപത് കൊല്ലം കൂടിയേ പാട്ടമുള്ളൂ കേട്ടോ. അത് കഴിഞ്ഞ് പൂഞ്ഞാര്‍ കൊട്ടാരത്തിന് തിരിച്ച് കൊടുത്തേക്കണം.

അഭിനന്ദനങ്ങള്‍...

സ്റ്റില്‍‌സ് - ചാരി

2007-02-18T09:44:00.000+09:00

അന്വര്‍ത്ഥമായ പേര് അന്വര്‍ത്ഥമായ പേര് എന്നൊക്കെ കേട്ടിട്ടേ ഉണ്ടായിരുന്നുള്ളൂ, ഇപ്പോള്‍ കണ്ടു.

ചിത്രത്തിന് കടപ്പാട്-മാരുതി വീഡിയോസ്

കിന്‍‌കാകുജിയപ്പാ

2007-02-16T06:17:00.000+09:00

ക്യോട്ടോയിലെ മനോഹരങ്ങളായ അമ്പലങ്ങളിലൊന്ന്. 1397 ല്‍ ആണ് ഉണ്ടാക്കിയതെങ്കിലും മറ്റു പല ജാപ്പനീസ് അമ്പലങ്ങളെയും കൊട്ടാരങ്ങളെയും പോലെ ഇതും പല പ്രാവശ്യം തീപിടിച്ചു. ഇപ്പോള്‍ കാണുന്നത് 1955 ല്‍ പുതുക്കി പണിതത് (അതിപുരാതനങ്ങള്‍ അതേ രീതിയില്‍ ജപ്പാനില്‍ അപൂര്‍വ്വം- എല്ലാം തടികൊണ്ടുള്ള പരിപാടികള്‍ ആയതുകാരണം പലതും തീപിടിക്കും അല്ലെങ്കില്‍ തീവെക്കും. ബാക്കിയൊക്കെ പിന്നെ അമേരിക്ക ബോംബിട്ടും കളഞ്ഞു. ക്യോട്ടോയില്‍ മാത്രം അമേരിക്ക ബോംബിട്ടില്ല).

മഞ്ഞ നിറത്തില്‍ കാണുന്നതൊക്കെ യഥാര്‍ത്ഥ സ്വര്‍ണ്ണ പാളികള്‍. കിന്‍‌കാകുജി എന്ന് പറഞ്ഞാല്‍ ഗോള്‍ഡന്‍ പവിലിയന്‍ ടെമ്പിള്‍.

മരങ്ങള്‍ക്കിടയിലൂടെ ഇങ്ങിനെയും കാണാം.

കൂടുതല്‍ വിവരങ്ങള്‍ ഇവിടെയും ഇവിടെയും പിന്നെ kinkakuji temple എന്ന ഗൂഗിള്‍ സേര്‍ച്ചിലും.

പിള്ളേരപ്പാ

2007-02-13T22:52:00.000+09:00

പോസിനു മുന്‍പും (എന്നാലും ലെവന്മാരില്‍ ചിലരങ്ങ് പോസു ചെയ്തുകൊണ്ടേ നിന്നു)...

പോസിനു ശേഷവും.

ബ്ലോഗ്...പുല്ല്

2007-01-03T07:20:00.000+09:00

ചായ തിളപ്പിക്കാന്‍ വെച്ചിട്ട് പിന്‍‌മൊഴി നോക്കാന്‍ വന്നാല്‍ ഇങ്ങിനെയിരിക്കും.

(ബ്ലോഗിനെയോ ബ്ലോഗര്‍മാരെയോ അധിക്ഷേപിച്ചതല്ലേ. ചൂടു ചായ ചൂടോടെ കുടിക്കാന്‍ ഒരു കമന്റ് എഴുതി പകുതിയാക്കി അടുക്കളയിലേക്കോടിയപ്പോള്‍ കണ്ട കാഴ്ച മൂലമുണ്ടായ സ്വാഭാവിക പ്രതികരണം മാത്രം. ഇനി നന്ദിനിയോട് ചോദിക്കണം, ഇതെങ്ങിനെ ഈ രീതിയില്‍ കുടിക്കുമെന്ന്).

രണ്ടായിരത്തിയേഴിന്റെ തുടക്കം തന്നെ ഇങ്ങിനെയായല്ലോയപ്പാ...

സ്വാഗതം...സ്വാഗതം

2007-01-01T07:48:00.000+09:00

രണ്ടായിരത്തിയേഴിന് സ്വാഗതം.

കാശ് കണ്ട് കണ്ണ് മഞ്ഞളിച്ചതല്ലേ, ഫ്ലാഷടിച്ചതാ...

എല്ലാവര്‍ക്കും നവവത്സരാശംസകള്‍.

വിടയപ്പാ

2006-12-31T22:30:00.000+09:00

രണ്ടായിരത്തിയാറേ, വിട.

എല്ലാ നല്ല കാര്യങ്ങള്‍ക്കും നന്ദി. എല്ലാ തെറ്റുകള്‍ക്കും മാപ്പ്.

കാലചക്രം കറങ്ങിത്തിരിയുമ്പോള്‍ എവിടെയെങ്കിലും വെച്ച് വീണ്ടും കാണാമെന്ന പ്രതീക്ഷയോടെ...

(ശ്രീകണ്ഠന്‍ നായര്‍ സ്റ്റൈല്‍) ഗുഡ് ബൈ

മാവുണ്ട് ഫ്യുജിയപ്പ

2006-12-24T01:51:00.000+09:00

ഷിന്‍‌ജുകുവില്‍ നിന്ന് ഒഡാക്യുവിന്റെ റൊമാന്‍സ് കാറില്‍ കയറി (സാദാ ട്രെയിനുമുണ്ട്, ചിലവ് കുറവ്, സമയം കൂടുതല്‍) ഹകോനെ യൂമോട്ടോ സ്റ്റേഷനില്‍ ഇറങ്ങി ബസ്സ് പിടിച്ച് ലേയ്ക് ആഷി (?) യില്‍ എത്തിയാല്‍ അങ്ങ് ദൂരെ മാവുണ്ട് ഫ്യുജിയപ്പ നില്‍ക്കുന്നത് കാണാം.

വേണമെങ്കില്‍ ഒരു ബോട്ട് യാത്രയുമാവാം.

കടുത്തയപ്പാ

2006-12-20T06:41:00.000+09:00

കടുത്തയോട് ഒരു ഫോട്ടോ എടുത്തോട്ടെ എന്ന് ചോദിച്ചു.
ക്യാമറ കണ്ടപ്പോള്‍ കടുത്തയ്ക്ക് ഭയങ്കര സന്തോഷം.
പല രീതിയില്‍ നമ്മള്‍ പറയാതെ തന്നെ കടുത്ത പോസ് ചെയ്തു തന്നു.

ക്യാമറയില്‍ കടുത്തയുടെ ഫോട്ടോ കാണിച്ചുകൊടുത്തപ്പോള്‍ കടുത്ത ചിരിയോട് ചിരി.

ബ്ലോഗിലിടുമെന്ന് പറഞ്ഞപ്പോഴും കടുത്ത ചിരി തന്നെ.

സമര്‍പ്പണം കടുത്തയ്ക്ക് തന്നെ.

(കടുത്തേടെ റെറ്റിനയില്‍ നോക്കി എന്നെ കണ്ടുപിടിക്കാനെങ്ങാനും നോക്കിയാല്‍ കടുത്ത സൈറ്റടിച്ച് കാണിക്കും) :)

(ക്രോപ്പൈഡിയായ്ക്ക് മൊഴിയണ്ണന് നന്ദി)

സൂവിനും വിശാലനുമപ്പാ

2006-12-12T07:48:00.000+09:00

ബ്ലോഗെഴുത്തില്‍ രണ്ട് വര്‍ഷം പൂര്‍ത്തിയാക്കിയ സൂവിന്...

തുള്ളിക്കൊരുകുടമായും പലതുള്ളികളായും ഇനിയുമിനിയും പോരട്ടെ പോസ്റ്റുകള്‍. എല്ലാവിധ ആശംസകളും.

വിശാലന് ഭാഷാ ഇന്ത്യാ അവാര്‍ഡ് കിട്ടിയപ്പോള്‍ ഒരു പൂന്തോട്ടം മൊത്തം കൊടുത്തു. കൊടകരപുരാണം പുസ്തകമാകാന്‍ പോകുന്ന ഈ അവസരത്തില്‍ ഇതാ ഒരു റബ്ബര്‍ തോട്ടം മൊത്തമായി വിശാലന്. സില്‍‌ക്കിനേം മേയ്ക്കാം ബ്ലോഗും എഴുതാം. വിശാലന് സമര്‍പ്പണം (റോഡിന്റെ വലത് വശത്തുള്ളത് എടുത്താല്‍ മതി കേട്ടോ).

ഈ സമര്‍പ്പണ ഐഡിയായ്ക്ക് ഫുള്‍ കടപ്പാട് സപ്തവര്‍ണ്ണത്തിന്. നന്ദി സപ്തം. (ഐഡിയാകള്‍ കോപ്പിയടിക്കുന്നത് മാപ്പര്‍ഹിക്കാത്ത പോക്രിത്തരമാണെന്നറിയാം. ഒരു അഞ്ചുതവണ ക്ഷമിക്കുമല്ലോ) :)

ന്റനിയനാ...

2006-12-07T07:35:00.000+09:00

കുടുംബപരമായി ഞങ്ങള്‍ക്ക് കിട്ടിയ ആ സൌന്ദര്യം മൊത്തമായിട്ടങ്ങ് പകര്‍ത്താന്‍ പറ്റിയില്ലെങ്കിലും (അത് പകര്‍ത്താന്‍ സാക്ഷിക്ക് പോലും പറ്റൂല്ല-ബെറ്റ്)അണ്ണാര്‍ തന്നാല്‍.

മൊത്തത്തില്‍ അവനേക്കാളും ഗ്ലാമര്‍ എനിക്കാണെങ്കിലും കവിളിന്റെ കാര്യത്തില്‍ അവന്‍ എന്നെ തോല്‍‌പ്പിച്ചു. വയറിന്റെ കാര്യത്തില്‍ അവനെ ഞാനും തോല്‍പ്പിച്ചു.

കുട്ട്യേടത്തിക്ക് പിറന്നാളാശംസകള്‍

2006-11-29T23:21:00.000+09:00

സ്വല്‍‌പം ടൈമിംഗ് തെറ്റിപ്പോയി. ഒരു പന്ത്രണ്ട് മണിക്കൂര്‍ മുന്‍പ് അറിഞ്ഞിരുന്നെങ്കില്‍ എന്റെ മിസ്‌ പശുവിനെ മൊത്തമായി കുട്ട്യേടത്തിക്ക് സമര്‍പ്പിച്ചേക്കാമായിരുന്നു. ആകെ നാല് പടവും രണ്ട് പഴം പുരാണവും വെച്ച് ഇനി ഒരു കൊല്ലം തള്ളിനീക്കേണ്ടതാ. രണ്ട് ദിവസം അടുപ്പിച്ചടുപ്പിച്ച് അടുപ്പിച്ചാടി പോസ്റ്റിടുക എന്ന് വെച്ചാല്‍ സ്റ്റോക്കൊക്കെ എപ്പോള്‍ തീര്‍ന്നെന്ന് ചോദിച്ചാല്‍ മതി.

പക്ഷേ കുട്ട്യേടത്തിക്ക് കൊല്ലത്തിലൊരിക്കല്‍ ഒരു പിറന്നാള്‍ വരുമ്പോള്‍ സ്റ്റോക്കില്ല, അതില്ല, ഇതില്ല എന്നൊക്കെ പറഞ്ഞ് വെറുതെയിരിക്കാന്‍. അതുകൊണ്ട് ഹൃദയം നിറഞ്ഞ പിറന്നാളാശംസകള്‍. കുളമായ പടം ഇട്ടതുകൊണ്ട് മന്‍‌ജിത്ത് ഉണ്ടാക്കിയ ഫൈന്‍ ആപ്പിള്‍ കേക്ക് കുളമായി എന്നൊരു അര്‍ത്ഥം ഇല്ലേ ഇല്ല. അത് ഒന്നാംതരം ഫൈന്‍ പൈനാപ്പിള്‍ കേക്ക് തന്നെ.

അപ്പോള്‍ ഒരിക്കല്‍ കൂടി ആശംസകള്‍. ഇത്ര ഹൃദ്യമായ ഒരു അതിശയം പിറന്നാള്‍ ദിനത്തില്‍ കുട്ട്യേടത്തിക്ക് കാഴ്‌ചവെച്ച മന്‍‌ജിത്ത് കണവനും കരഞ്ഞും ചിരിച്ചും ബഹളമുണ്ടാക്കിയും കുട്ട്യേടത്തിയെ ഉണര്‍ത്തി സസ്‌പെന്‍‌സ് കളയാതെ നോക്കിയ ഹന്നമോള്‍ക്കും അഭിനന്ദനങ്ങള്‍.

പശുവപ്പാ

2006-11-28T04:44:00.000+09:00

മൂക്ക് മാത്രമായി ഫ്രെയിമിനകത്ത് കയറ്റണമെന്നുണ്ടായിരുന്നു. സാങ്കേതികവസ്തുക്കളുടെ പരിമിതി കാരണം മൂക്ക് മാത്രമാക്കണമെങ്കില്‍ കൈമറ പശുവണ്ണിയുടെ മൂക്കിനോട് ചേര്‍ത്ത് തന്നെ വെക്കണമായിരുന്നു. പശുവാണെങ്കിലും വായ്ക്കകത്താക്കിക്കഴിഞ്ഞാലല്ലേ വാഴച്ചുണ്ടാണോ ക്യാമറയാണോ ലെന്‍സാണോ എന്നൊക്കെ തീരുമാനിക്കൂ. അതുകൊണ്ട് അത് വേണ്ടാ എന്ന് വെച്ചു.

പശുവാണെങ്കിലും മൃഗമാണെങ്കിലും കൈമറ കണ്ടപ്പോള്‍ തന്നെ തീറ്റയൊക്കെ നിര്‍ത്തി, മുടിയൊക്കെ മാടിയൊതുക്കി വ്രീളാവിവശയായി, നമ്രമുഖിയായി, മുന്‍‌കാലുകൊണ്ട് ചേനവരച്ച്, വാല് മെദുവ മെദുവ ആട്ടി, ഒരു കണ്ണടച്ച് ഒരു സൈറ്റടിയൊക്കെ പാസ്സാക്കി പോസ് ചെയ്തു.

കറുപ്പിനെഴുപത്തേഴഴകേ നിന്‍...

അപ്പോള്‍ കറുപ്പിന്റെ കൂടെ കുറച്ച് വെളുപ്പും കൂടെയുണ്ടെങ്കിലോ (വെളുക്കാന്‍ തേച്ച പാണ്ടല്ല, ഒറിജിനല്‍).

ഒരു സൈഡ് പോലത്തെ വ്യൂവും കൂടി. വ്യൂ സൈഡിലോട്ടാണെങ്കിലും നോട്ടം എന്നെത്തന്നെ- ഗള്‍ഫ് റിട്ടേണ്‍ എക്സെന്നാറൈയുടെ ഇളയമകള്‍ സുധ അരവിന്ദനെ കടക്കണ്ണെറിഞ്ഞതുപോലെ (അക്കാര്യം പറഞ്ഞപ്പോള്‍ ആരും അവകാശവാദമുന്നയിച്ചില്ല-അരവിന്ദന് പറ്റിയപോലെ).

ഒരു എത്രയെത്ര കയറ്റണോ?

എത്രയെത്ര പുല്‍ച്ചെടികളുടെ മണം പിടിച്ചു...
എത്രയെത്ര കാടിവെള്ളം ഊറ്റിക്കുടിച്ചു...
എത്രയെത്ര കച്ചിത്തുരുമ്പുകള്‍ കടിച്ച് പറിച്ചു (മുങ്ങാന്‍ പോകുന്നവന് ഒന്നുപോലും വെച്ചേക്കരുത്)...
എത്രയെത്ര പഴത്തൊലികള്‍ തിന്ന് മറിച്ചു...
എത്രയെത്ര പഴങ്കഞ്ഞികള്‍...
എത്രയെത്ര വാഴപ്പിണ്ടികള്‍...
എത്രയെത്ര ഓക്കേ...
എത്രയെത്ര പിണ്ണാക്ക്...
.....
.....
ഞാന്‍ പശു

സമര്‍പ്പണം: പൊന്‍‌മുട്ടയിടുന്ന താറാവിലെ ഒടുവില്‍ ഉണ്ണിക്കൃഷ്ണന്.

ചുമ്മാ ഒരു സമര്‍പ്പണമപ്പാ

2006-11-25T04:21:00.000+09:00

വെറുതെയങ്ങിരുന്നപ്പോള്‍ ചുമ്മാ അങ്ങ് സമര്‍പ്പിക്കാന്‍ തോന്നി.

എല്ലാ മലയാളി ബ്ലോഗണ്ണനണ്ണിക്കുഞ്ഞുകുട്ടിപ്പരാധീനവികാരാധീനദീനദയാലുക്കള്‍ക്കും യൂയ്യേയ്യീ ബ്ലോഗ് മീറ്റും കേരളാ ബ്ലോഗ് മീറ്റും
നയിദില്ലി മീറ്റുമൊക്കെ വിജയകരമായി സംഘടിപ്പിച്ചവര്‍ക്കും പങ്കെടുത്തവര്‍ക്കും പിറന്നാളുകാര്‍ക്കും ഒന്നാം വാര്‍ഷികക്കാര്‍ക്കും കുഞ്ഞുണ്ടായവര്‍ക്കും കല്ല്യാണം കഴിച്ചവര്‍ക്കും ചുമ്മാ ചൊറിയും കുത്തി ഇരിക്കുന്നവര്‍ക്കും എല്ലാവര്‍ക്കും എന്റെ ചുമ്മാ ഒരു സമര്‍പ്പണം.

ആകെ അലമ്പലായല്ലോ അപ്പാ

2006-09-12T23:03:00.000+09:00

നിഷാദ് പറഞ്ഞതനുസരിച്ച് പാര്‍ക്കില്‍ ഒന്നുകൂടി പോയി. പഴയതിലും കുളമായ കുറെ കുളപ്പടങ്ങള്‍ എടുത്തു. നിഷാദ് പറഞ്ഞ ഷോട്ടൊക്കെ ഇടാന്‍ ചമ്മല്‍. എന്നാല്‍ പിന്നെ വേറേ കുറെ കുളപ്പടങ്ങളായിക്കൊള്ളട്ടെ എന്ന് കരുതി.

ഇവിടേം ഇവിടേം ഉണ്ട്-മുകളിലത്തെ പോലത്തെ തന്നെ.

ഇനി ചരിത്രം, ആമ്പല്‍‌ശാസ്ത്രം.

താമര (ആണോ പെണ്ണോ) അപ്പാ എന്ന് തലേക്കെട്ട് കൊടുത്തപ്പോള്‍ താമര എന്ന് പറയുന്ന ഒരു വസ്തു ഉണ്ടോ അതോ താമരപ്പൂ, താമരയില തുടങ്ങിയവയൊക്കെ മാത്രമേ ഉള്ളോ എന്നൊക്കെയുള്ള സംശയങ്ങളില്‍ കുടുങ്ങി കിറുങ്ങിയിരുന്നപ്പോള്‍ സംഗതി താമരയേ അല്ല എന്ന് ദേവേട്ടന്‍ ഉറപ്പിച്ച് സംശയിക്കുകയും സംഗതി ആമ്പലെന്ന് സപ്‌തം ഉറപ്പിക്കുകയും ചെയ്‌തപ്പോള്‍ ദേവേട്ടനൊരു പിഞ്ച് പിഞ്ച് കൂടി കിട്ടിയപ്പോള്‍, ഈ ലിങ്കില്‍ സപ്തം പറഞ്ഞത് തന്നെ കാണുകയും ചെയ്തപ്പോള്‍ ആമ്പല് തന്നെ എന്ന് ഉറപ്പിച്ച് ആമ്പല്‍‌പൂവേ, പൂവേ പൂവേ പൂയ് എന്നൊക്കെ വിളിച്ച് തലക്കെട്ട് മാറ്റാന്‍ തുടങ്ങിയപ്പോള്‍...

...ഈ ലിങ്കില്‍ സംഗതി കണ്‍ഫ്യൂഷനടിപ്പിച്ചു.

ഗുളുഗുളു നോക്കി മൊത്തം കണ്‍‌ഫ്യൂഷനായി. ചിലയിടത്ത് വാട്ടര്‍ ലില്ലിച്ചേച്ചി എന്നെഴുതിയിട്ട് ബ്രാക്കറ്റില്‍ ലോട്ടസ് എന്നും ഇട്ടിരിക്കുന്നു.

പക്ഷേ വിക്കിയില്‍ ഇതാണ് വെള്ളത്തിലാശാത്തി ലില്ലിച്ചേച്ചി. പക്ഷേ ഈ വിക്കി കണ്‍ഫ്യൂഷനാക്കി.

അങ്ങിനെ ഉല്പ്രേക്ഷാഖ്യയാമ്പല്‍‌കൃതി.

ബീക്കുട്ടിക്കും ബീക്കുട്ടനും വിവാഹമംഗളാശംസകള്‍

2006-09-09T23:26:00.000+09:00

ബീക്കുട്ടി ആദ്യഗാനം പോസ്റ്റ് ചെയ്തപ്പോള്‍ അത് കേട്ടുകൊണ്ടുണ്ടാക്കിയ സാമ്പാറായിരുന്നു ഞാന്‍ വെച്ച ഏറ്റവും ബെസ്റ്റ് സാമ്പാര്‍ (തെളിവ് ഞാന്‍ തന്നെ).

ബീക്കുട്ടിയുടെ രണ്ടാം ഗാനം കേട്ടുകൊണ്ട് മയങ്ങിപ്പോയതുകാരണം അന്ന് വെക്കേണ്ടിയിരുന്ന സാമ്പാര്‍ വെക്കാനൊട്ട് പറ്റിയുമില്ല. അതുകാരണം ആദ്യത്തെ റെക്കോര്‍ഡ് ഭേദിക്കപ്പെട്ടില്ല.

അങ്ങിനെയൊക്കെ നോക്കുമ്പോള്‍ ബീക്കുട്ടിയുടെ കല്ല്യാണത്തിന് സമര്‍പ്പിക്കാന്‍ എറ്റവും നല്ലത് സാമ്പാറുതന്നെ. പാടിയത് എം.എന്‍ പാലൂരിന്റെ ‘ഉഷസ്സ്’ ആണെങ്കിലും സഫലമീ സാമ്പാര്‍.

പക്ഷേ വെറും സാമ്പാറായാലെങ്ങിനെ. കല്ല്യാണമല്ലേ. പക്ഷേ ഇത് ജപ്പാനല്ലേ. അതിലുമിത് ഞാനല്ലേ. ഉള്ളതുകൊണ്ട് ഓണവും സദ്യയും.

മുന്നില്‍ പാവയ്ക്കാ ഫ്രൈ കറുത്തിരിക്കുന്നത് ഫോട്ടോയ്ക്ക് ഫ്ലാഷില്ലാത്തതുകൊണ്ടോ അപ്പെര്‍ച്ചര്‍/എക്സ്പോഷര്‍ കുളമായതുകൊണ്ടോ ഒന്നുമല്ല-കരിഞ്ഞുപോയതാ.

പക്ഷേ കല്ല്യാണത്തിന് ഇത് മാ‍ത്രമല്ലല്ലോ-അറിയാല്ലോ. അപ്പോള്‍ അടിച്ച് പൊളിച്ചുണ്ണ് സദ്യ.

എന്തായാലും കല്ല്യാണമല്ലേ. സദ്യമാത്രം പോരല്ലോ. രണ്ടുപേരല്ലേ, പിന്നെ പുതുജീവിതം മൊട്ടിട്ടതല്ലേ ഉള്ളൂ. അതുകൊണ്ട് രണ്ട് പൂമൊട്ടുകളും കൂടി. ഈ മൊട്ടുകള്‍ വിടര്‍ന്ന് വികസിച്ച് ബീക്കുട്ടിക്കുട്ടജീവിതത്തില്‍ എല്ലാവിധ സൌരഭ്യങ്ങളും പടര്‍ത്തട്ടെ. ഒരിക്കലും വാടാതിരിക്കട്ടെ, അവ.

ബിരിയാണിക്കുട്ടിക്കും ബിരിയാണിക്കുട്ടനും ഹൃദയം നിറഞ്ഞ വിവാഹമംഗളാശംസകള്‍. അടിച്ച് പൊളി.

ഗ്ലാസ്സപ്പാ

2006-08-25T22:12:00.000+09:00

ഗ്ലാസ്സ് പെയിന്റിംഗ് വിദഗ്ദന്‍ കരീം മാഷിന് സമര്‍പ്പണം.

ഫുള്‍ വെര്‍ഷന്‍ ഇവിടെ

സീമച്ചേച്ചിക്ക് സമര്‍പ്പണം... പിന്നെ ബെന്നിക്കും

2006-08-12T23:10:00.000+09:00

ബെന്നിയുടെ പോസ്റ്റ് എന്തൊക്കെയോ ഓര്‍മ്മകള്‍ സമ്മാനിച്ചു... തിരക്കേറിയ അഭിനയ ജീവിതത്തിന്റെയും പ്രശസ്തിയുടെയും പ്രതാപത്തിന്റെയും (എന്റെ)...

സൂര്യകാന്തിയപ്പാ

2006-08-11T23:04:00.000+09:00

വെറുതെ....

ഞാനല്ലപ്പാ

2006-08-05T00:53:00.000+09:00

അല്ലേയല്ല

മൈക്കപ്പാ

2006-08-01T21:04:00.000+09:00

എത്രയെത്ര പ്രഭാഷണങ്ങള്‍ക്ക് സാക്ഷ്യം വഹിച്ചു...
എത്രയെത്ര പ്രഖ്യാപനങ്ങള്‍ക്ക് സാക്ഷിയായി...
എത്രയെത്ര കാതുകള്‍ക്ക് ഇമ്പമേകി...
എത്രയെത്ര കണ്ണുകളെ ഈറനണിയിച്ചു.........
എത്രയെത്ര വിപ്ലവങ്ങള്‍ക്ക് തുടക്കം കുറിച്ചു....
എത്രയെത്ര യുദ്ധങ്ങള്‍ക്ക് അന്ത്യമേകി...
എത്രയെത്ര ജനങ്ങളെ ആവേശഭരിതരാക്കി...
അതിലുമെത്ര ജനങ്ങളെ നിരാശരാക്കി..........
എത്രയെത്ര ജനങ്ങള്‍ക്ക് പ്രതീക്ഷകളേകി..
എത്രയെത്ര ജനങ്ങള്‍ക്ക് മോഹങ്ങള്‍ നല്‍കി.......
എത്രയെത്ര വാഗ്‌ദാനങ്ങള്‍...
എത്രയെത്ര വഞ്ചനകള്‍....
എത്രയെത്ര ഇച്ഛാഭംഗങ്ങള്‍...
എത്രയെത്ര അറിയിപ്പുകള്‍.....
എത്രയെത്ര കഥകള്‍....
എത്രയെത്ര കഥാപ്രസംഗങ്ങള്‍....
എത്രയെത്ര ഗാനങ്ങള്‍...
എത്രയെത്ര ഗാനമേളകള്‍...
എത്രയെത്ര രാഗങ്ങള്‍....
എത്രയെത്ര താളങ്ങള്‍.....
.....................
.....................

ഞാന്‍ മൈക്കപ്പാ
...........................
...........................

എങ്ങാണ്ടുനിന്നോ വന്ന ആരാണ്ടൊക്കെയോ ആരാണ്ടേയൊക്കെയോ കാത്ത് എങ്ങാണ്ടൊക്കെയോ നില്‍ക്കുന്നു. ഇവരെ ആരെങ്കിലുമൊക്കെ വന്ന് എങ്ങോട്ടെങ്കിലുമൊക്കെ കൂട്ടിക്കൊണ്ട് പോകേണ്ടതാണ്.

സമര്‍പ്പണം: മൈക്ക് കയ്യില്‍ കിട്ടി അവസാ‍നം സ്വന്തം മോള് പോലും കാലുപിടിച്ച് ഇതൊന്ന് നിര്‍ത്ത്വോ എന്ന് ചോദിച്ചു എന്നാരോപിക്കപ്പെട്ട കുറുമയ്യന്. കുറുമന് പടം ബ്ലോഗില്‍ ഇത് രണ്ടാം സമര്‍പ്പണം.

അപ്പാ കൃതികള്‍ വായിച്ച് ഇതൊന്ന് നിര്‍ത്ത്വോ എന്ന് എന്നോടാരും..........

എന്‍ താണപ്പാ?

2006-07-30T21:49:00.000+09:00

എന്താണപ്പാ?

മൊത്തത്തിലൊരു മന്ദത...

മിഡ്‌ബ്ലോഗ് ക്രൈസിസാണോ ആവോ?

ചുമ്മാ താണപ്പാ

2006-07-15T13:35:00.000+09:00

ചുമ്മാ ഒരു പടം.

പക്ഷേ ഇവനാണ് സമയം പോകാനും വിശ്രമവേളകള്‍ ആനന്ദദായകമാക്കാനും ഉള്ള സഹായി. കണ്ട് കണ്ട് തലവേദനിക്കുമ്പോള്‍ അമൃതാഞ്ജന്‍ പുരട്ടും.

പിന്നെയും മേഘമപ്പാ

2006-07-04T13:55:00.000+09:00

വെറുതേയീ മേഘങ്ങള്‍ എന്നറിയുമ്പോഴും
വെറുതേ പോസ്റ്റുവാന്‍ മോഹം..........

മുല്ലപ്പൂവിന്റെ കുഞ്ഞുവാവയ്ക്ക് പിറന്നാള്‍ ആശംസകള്‍

2006-06-29T23:51:00.000+09:00

പിന്നെ കുഞ്ഞുവാവേടെ പുന്നാരചേട്ടന് ക്ലാസ്സില്‍ കൊടുക്കാന്‍ ഫോര്‍ട്ടി ഫൈവ് മുട്ടായിയും.

സൂവിനും ജേക്കബ്ബിനുമപ്പാ

2006-06-27T21:59:00.000+09:00

വിക്കി ക്വിസ്സ് അഞ്ചാം മത്സരത്തില്‍ വിജയശ്രീലാളിതരായ സൂവിനും ജേക്കബ്ബിനും. ഒറ്റപ്പൂവേയുള്ളൂ. വീതിച്ചെടുത്തുകൊള്ളണം.

കൊടകരത്‌നം വിശാലന്......

2006-06-21T21:14:00.000+09:00

ബ്ലോഗ ബ്ലോഗവേശ്വര ലയബ്ലോഗ ബ്ലോഗരശ്‌ ബ്ലൊഗ ബ്ലോഗ കലാനിധി ഡിംഡിമ കലാനിപുണ ബ്ലോഗ് ചക്രവര്‍ത്തി വിശാലന് സമര്‍പ്പണം, ഈ പൂന്തോട്ടം മൊത്തം. പാര്‍ട്ടി ഇവിടെ ടോക്കിയോ മെട്രോപോലീത്ത ജിന്‍ഡായീ ബൊട്ടാണിക്കല്‍ ഗാര്‍ഡനില്‍വെച്ച്. പൂന്തോട്ടം മൊത്തം വിശാലന് പതിച്ചുതന്നിരിക്കുന്നു. ആധാരം എഴുത്താഫീസില്‍.

മേഘങ്ങളപ്പാ

2006-06-20T17:57:00.000+09:00

ഏവൂരാന്റെ പോസ്റ്റിന് കണ്ണൂസിന്റെ കമന്റ്:

“ആകാശത്തിന്റെ നിറം നീല എന്ന് പഠിപ്പിച്ച അധ്യാപകനോട്‌, കുട്ടിയായിരുന്ന സ്വാമി വിവേകാനന്ദന്‍ വിയോജിച്ചുവത്രേ. അദ്ദേഹം പറഞ്ഞു, ആകാശത്തിന്റേയും, കടലിന്റേയും, കൃഷ്ണന്റേയും നിറം നീലയല്ല, അതിന്‌ അനന്തത എന്നാണ്‌ പറയുക എന്ന്.

നിറങ്ങള്‍, ചിലപ്പോഴെങ്കിലും അവയുടെ പേരല്ല, ഒരു പ്രഭാവമാണ്‌ മനസ്സില്‍ കൊണ്ടു വരുക എന്ന ഏവൂരാന്റെ നിരീക്ഷണം എത്ര ശരി!!”

ഏവൂരാന്റെ പോസ്റ്റിനും കണ്ണൂസിന്റെ കമന്റിനും പകരം വെയ്ക്കാന്‍ എനിക്കിതുമാത്രം.

പക്ഷേ സമര്‍പ്പണം, ഈ തിരക്കിനിടയ്ക്കും പോസ്റ്റാന്‍ സമയം കണ്ടെത്തുന്ന വര്‍ണ്ണമേഘങ്ങള്‍ക്ക്; കാരണം, ഇത് പോസ്റ്റല്ലല്ലോ, മേഘമല്ലേ, കമന്റല്ലല്ലോ ക്ലൌഡല്ലേ!

സമ്മാനമപ്പാ

2006-06-12T22:01:00.000+09:00

വിക്കി ക്വിസ്സ് നാലാം മത്സരത്തില്‍ സമ്മാനം മുഴുവന്‍ കിട്ടിയ ഉമേഷ്ജി, ജേക്കബ്, സപ്തവര്‍ണ്ണങ്ങള്‍ എന്നിവര്‍ക്കും കപ്പിനും ലിപ്പിനുമിടയ്ക്ക് നഷ്ടപ്പെട്ടില്ല എന്നോര്‍ത്തിരുന്ന് നഷ്ടപ്പെട്ടുപോയ മുരാരിക്കും അഭിനന്ദനത്തിന്റെ ഒരൊറ്റ പൂവ് ദാ ഇവിടെ. നിങ്ങള്‍ക്കൊക്കെ സമ്മതമാണെങ്കില്‍ നാലിലും കുത്തിയിരുന്ന് പൂരിപ്പിച്ച് ഒന്നാം സമ്മാനമടിച്ച ഉമേഷ്‌ജിക്ക് രണ്ടിതള്‍ കൂടുതല്‍ കൊടുക്കാം. പങ്കെടുത്ത ബാക്കിയെല്ലാവര്‍ക്കും തണ്ടും ഇലയും. മുള്ളുകൊള്ളരുത്.

പൂ കൊണ്ടുപോകുന്നവരെല്ലാം കടയുടമ ഹെഡ്മാഷ് മന്‍‌ജിത്തിനെ ഒന്ന് കാണിച്ചിട്ടേ കൊണ്ടുപോകാവൂ. അദ്ദേഹത്തിന്റെ മുന്‍പില്‍ മുട്ടോളം കുനിഞ്ഞ് വണങ്ങി ദോമോ അരിഗത്തോ ഗൊസായിമഷ്ടാ‍ എന്നും ഒസ്‌കര സാമാ ദെഷ്ടാ എന്നും നാലുപ്രാവശ്യം പറയുകയും വേണം. ഹെഡ്മാഷ് പ്രത്യേകിച്ചൊന്നും ചെയ്യേണ്ട. കേട്ടോണ്ടു നിന്നാല്‍ മതി.

കുട്ട്യേടത്തിക്കും പിന്നെ എല്ലാവര്‍ക്കും

2006-06-10T21:21:00.000+09:00

ജൂണ്‍ മൂന്ന്, ശനിയാഴ്ച, കുട്ട്യേടത്തി....

“ഇങ്ങടുത്തു വാ..ചെവിയിലൊരു കാര്യം പറയാം. ഇനിയിടുന്ന ആദ്യത്തെ പോസ്റ്റിനു ഞാന്‍ തന്നെ കമന്റിട്ടു നൂറു തികച്ചു തരാം. തരാന്ന്....”

ജൂണ്‍ അഞ്ച്, തിങ്കളാഴ്ച, ഞാന്‍ കൂകിപ്പായുന്ന പോസ്റ്റിട്ടു.......

ജൂണ്‍ ഒമ്പത് വെള്ളിയാഴ്‌ച, സീയെസ്സ് ഓര്‍മ്മിപ്പിച്ചു (ഒരു ജെന്റില്‍ റിമൈന്‍ഡര്‍).....
"ഇങ്ങടുത്തു വാ..ചെവിയിലൊരു കാര്യം പറയാം. ഇനിയിടുന്ന ആദ്യത്തെ പോസ്റ്റിനു ഞാന്‍ തന്നെ കമന്റിട്ടു നൂറു തികച്ചു തരാം. തരാന്ന്.. "വക്കാരി വാക്കു പാലിച്ചു. ഇനി 32 എന്നു പറഞ്ഞു തുടങ്ങിക്കോളൂ....”

പിന്നെല്ലാം ചരിത്രം.....

പറഞ്ഞ വാക്കു പാലിക്കാന്‍ കുട്ട്യേടത്തി കാണിച്ച ആത്‌മാര്‍ത്ഥതയും അതിന് മറ്റുള്ളവര്‍ കൊടുത്ത അകമഴിഞ്ഞ സഹകരണവും പ്രോത്‌സാഹനവും താത്‌പര്യവും............ ഇതൊക്കെ വേറേ എവിടെ കിട്ടും. ഞാന്‍ ദേ ഘഡ്‌ക്കട കണ്ഠനായി... എന്നാലും കണ്ഠത്തിനല്ലേ, ടൈപ്പ് ചെയ്യാമല്ലോ....

സംഗതി എഴുപത്തൊന്നായപ്പോള്‍ പോയിക്കിടന്നതാണ്. രാവിലെ പതിനൊന്നുമണിക്കെഴുന്നേറ്റ് നോക്കിയപ്പോള്‍ സംഗതി നൂറ്റിനാല്‍‌പത്. “ബ്ധൂം” ന്നും പറഞ്ഞ് പിന്നെയും വീണു കിടക്കിയിലേക്ക്. പെട്ടെന്നെഴുന്നേറ്റു. കൈമറയും തൂക്കി ഓടി ജിന്‍‌ഡായീ ബൊട്ടാണിക്കല്‍ പാര്‍ക്കിലേക്ക്. അഞ്ഞൂറെന്നു കൊടുത്ത് അകത്തു കയറി. കണ്ട പൂക്കളിലെല്ലാം ആഞ്ഞു ക്ലിക്കി. പിന്നെയും ക്ലിക്കി....

കുട്ട്യേടത്തിക്കും എന്റെ കുടിയില്‍ സൊറ പറഞ്ഞിരുന്ന എല്ലാവര്‍ക്കും ഇതൊക്കെ കണ്ടാസ്വദിച്ച ബാക്കിയുള്ളവര്‍ക്കും തരാന്‍ ഇതൊന്നും ഒന്നുമാകില്ലന്നറിയാം. എന്നാലും പിടിക്കൂന്ന്...

ഇന്നാ ദേ ഒന്നൂടെ പിടിക്കൂന്ന്

ഒരെണ്ണം കൂടെ പിടിക്കുവോ?

എനിക്ക് നന്ദിയുടെ നറുമലരുകള്‍ എത്രയര്‍പ്പിച്ചിട്ടും അങ്ങ് മതിയാകുന്നില്ല

ഒന്ന് നിര്‍ത്തഡേ......... ഓ

വെള്ളത്തുള്ളികളപ്പാ

2006-06-02T22:28:00.000+09:00

ഗൂഗില്‍ പേജില്‍ ഇവിടേം ഇവിടേം സ്വല്പം തുള്ളികള്‍ കിട്ടും

പിന്നേം മുളഗപ്പാ

2006-05-31T23:00:00.000+09:00

സമര്‍പ്പണം, നേരത്തത്തെ മുളകപ്പാ പടം കണ്ട് എരിവു മൂത്ത് അതിന്റെ കൂടെ ഉണ്ടമുളകും ചുമന്ന മുളകും പച്ചമുളകും കാന്താരീം എല്ലാം വെക്കാന്‍ പറഞ്ഞ നമ്മുടെ കുറുമന്.

അപ്പോ കുറുമോ........ ഒരു മുളകിന് 198 യെന്‍. അപ്പോള്‍ രണ്ട് മുളകിന് 198 ഇന്റു 2 സമം (എണ്‍ രണ്ട് പതിന്നാറിന്നാറ്, ശിഷ്ടം ഒന്ന്; ഒമ്പൈറ്റ് രണ്ട് പതിനെട്ട് അധികം ഒന്ന് സമം പത്തൊമ്പതിനൊമ്പത്, ശിഷ്ടം ഒന്ന്; രണ്ടൊന്ന് രണ്ടും ഒന്നും മൂന്ന്. അപ്പം മുന്നൂറ്റിത്തൊണ്ണൂറ്റാറ് യെന്ന് കൌണ്ടറിലടച്ച് രശീതി വാങ്ങിച്ച് മുളകും കൊണ്ടു പൊയ്ക്കോ കേട്ടോ. ദോ താഴെയിരിക്കുന്ന രണ്ടുമൂന്ന് പച്ചമുളക് ഫ്രീ.

കപ്പപ്പാ

2006-05-19T22:06:00.001+09:00

എത്രയെത്ര......... ഒന്നു നിര്‍ത്തടേ

ഓ....

ഹല്ലാ.......മൂപ്പിക്ക്യാ.....എന്നാലൊന്നു കാണണമല്ലോ

എത്രയെത്ര പുലരികള്‍ക്ക് ഉന്മേഷം പകര്‍ന്നു...
എത്രയെത്ര സന്ധ്യകളെ ഊര്‍ജ്ജസ്വലമാക്കി........
എത്രയെത്ര നാഡികളെ ഉദ്ദീപപിപ്പിച്ചു...
എത്രയെത്ര പേശികളെ റിലാക്സ് ചെയ്യിച്ചു......
എത്രയെത്ര തളര്‍ച്ചകളില്‍ ഓജസ്സേകി....
എത്രയെത്ര വിളര്‍ച്ചകളില്‍ ആരോഗ്യമേകി....
എത്രയെത്ര പോഷകങ്ങള്‍ പങ്കുവെച്ചു....
എത്രയെത്ര ദാഹങ്ങള്‍ തീര്‍ത്തുകൊടുത്തു....
എത്രയെത്ര പരവേശങ്ങള്‍ക്ക് അറുതിവരുത്തി....
എത്രയെത്ര് രോഗങ്ങള്‍ക്ക് ശമനമേകി........
എത്രയെത്ര നാക്കുകളില്‍ പൊള്ളലുണ്ടാക്കി....
എത്രയെത്ര പല്ലുകളില്‍ വേദനയുണ്ടാക്കി........
എത്രയെത്ര മോഹങ്ങള്‍ക്ക് തുടക്കമിട്ടു........
എത്രയെത്ര പ്രശ്നങ്ങള്‍ക്ക് വിരാമമിട്ടു........

...................
...................

ഞാന്‍ കപ്പപ്പാ....

(കപ്പൈഡിയായ്ക്കു കടപ്പാട്: കുമാറിന്റെ മോര്‍ഗ് ഫയല്‍. കടപ്പാട് അല്ല ഏകദേശം കോപ്പിപ്പാട് തന്നെ. അതുപോലൊരു ക്യാമറ, അതുപോലൊരു ഐഡിയ, അതുപോലൊരു കല, അതുപോലൊരു തല ഇതൊക്കെക്കൂടിയുണ്ടായിരുന്നെങ്കില്‍ അതുതന്നെ)

മുളകപ്പാ

2006-05-14T19:42:00.000+09:00

എത്രയെത്ര ജീവിതങ്ങള്‍ക്ക് എരിവുപകര്‍ന്നു........
എത്രയെത്ര രസമുകുളങ്ങളെ ഹരം പിടിപ്പിച്ചു.......
എത്രയെത്ര കണ്ണുകളെ ഈറനണിയിച്ചു......
എത്രയെത്ര നാസാരന്ധ്രങ്ങളെ നീരണിയിച്ചു.....
എത്രയെത്ര ഭോജ്യങ്ങളെ സ്വാദിഷ്ടമാക്കി....
എത്രയെത്ര വയറുകളില്‍ അള്‍സറുണ്ടാക്കി......
എത്രയെത്ര “ശ്ശോ”കള്‍.......
എത്രയെത്ര “ശ്ശൂ”കള്‍.....

കലേഷിനും റീമയ്‌ക്കും

2006-05-13T01:27:00.000+09:00

കുറച്ചു വൈകിപ്പോയി. എന്നാലും പ്രോമിസ് ചെയ്തിരുന്നതല്ലേ.

ദേവേട്ടന്റെ ബൊക്ക കൊടുത്തതുപോലെ മുട്ടുകുത്തിയിരുന്നിട്ട് ഒരു വീശുവീശിയങ്ങ് കൊട് കലേഷേ, റീമയ്ക്ക്-പക്ഷേ നടുവുവെട്ടാതെ നോക്കണേ. ചട്ടിക്ക് നല്ല വെയിറ്റാ.

ഛായാഗ്രാഹകപൃഷ്ഠദര്‍ശനം

2006-05-04T02:12:00.000+09:00

ഉമേഷ്‌ജിയുടെ ശ്ലോകം....

(ഫോട്ടോ: ഡോ. രഘുകുമാര്‍. പി.എസ്.)

ഫോണപ്പാ

2006-04-30T03:04:00.000+09:00

എത്രയെത്ര സങ്കടങ്ങള്‍ പങ്കുവെച്ചു....
എത്രയെത്ര സന്തോഷങ്ങളില്‍ പങ്കുചേര്‍ന്നു..
എത്രയെത്ര പിണക്കങ്ങള്‍ക്ക് സാക്ഷ്യം വഹിച്ചു...
എത്രയെത്ര ഇണക്കങ്ങളില്‍ സന്തോഷിച്ചു...
എത്രയെത്ര പരിഭവങ്ങള്‍...
എത്രയെത്ര കൊഞ്ചലുകള്‍...
എത്രയെത്ര കണ്ണീര്‍മഴകള്‍....
എത്രയെത്ര ആനന്ദാശ്രുക്കള്‍....
എത്രയെത്ര ജീവിതങ്ങള്‍.....
.......................
.......................
എല്ലാറ്റിനും മൂകസാക്ഷിയായി..
പരിഭവങ്ങളില്ലാതെ...
പരാതികളില്ലാതെ....
സങ്കടങ്ങളില്ലാതെ....
സന്തോഷവുമില്ലാതെ...

-----------------------------------

ഒരു കുഴപ്പവുമില്ല:
യെന്നുകളായിരമായിരമായിരം
യെണ്ണിയെണ്ണിയിട്ടെന്നാല്‍
ആമോദത്താല്‍ ഞങ്ങള്‍ വിളിക്കും
ആവേശത്താല്‍ ഞങ്ങള്‍ വിളിക്കും
ഹല ഹലോ ഹലഹല
ഹല ഹലോ ഹലഹല

“.....all numbers in this route are busy,
please try again after some time"

എബിസുവപ്പാ

2006-04-25T21:32:00.000+09:00

ടോക്കിയോയില്‍നിന്നും യമനോട്ടേ ലൈനില്‍ കയറി ഒരു പത്തുപതിനഞ്ചു മിനിറ്റു കഴിഞ്ഞാല്‍ എബിസുവായി.

മുപ്പത്തെട്ടാം നിലയുടെ മുകളിലിരുന്ന് ചായകുടിക്കാം, ടോക്കിയോ മൊത്തം കാണുകയും ചെയ്യാം.

ഇതിനെയാണോ നമ്മള്‍...

2006-04-23T17:17:00.000+09:00

.....പ്രത്യാശയുടെ പുതുനാമ്പെന്നോ പ്രതീക്ഷയുടെ ഇളം നാമ്പെന്നോ ഒക്കെ പറയുന്നത്?

ഇത് ദിലീപാണോ അപ്പാ?

2006-04-22T00:36:00.000+09:00

താഴത്തെ പടം ഡാലിയചേച്ചിയാണെന്ന് ദേവേട്ടന്‍ പറഞ്ഞപ്പോഴാ അറിഞ്ഞത്. പൂക്ലാസ്സിലൊക്കെ ഇരുന്നുറക്കമായിരുന്നു.

അതുല്ല്യേച്ചിക്കും കുടുംബത്തിനും

2006-04-17T01:01:00.000+09:00

ഉഗ്രന്‍ സദ്യയ്ക്കും സദ്യയുടെ അടിപൊളി വിവരണത്തിനും പായസത്തിനും സന്തോഷപൂര്‍വ്വം വിഷു ആഘോഷിച്ചതിനും.....

ഈസ്റ്റര്‍ ആശംസകള്‍

2006-04-15T23:09:00.000+09:00

എല്ലാവര്‍ക്കും ഈസ്റ്റര്‍ ആശംസകള്‍

വഴിയപ്പാ

2006-04-14T22:37:00.000+09:00

വെട്ടത്തുകവല

2006-04-12T23:48:00.000+09:00

മുറുക്കാന്‍ കടയപ്പാ

2006-04-11T00:31:00.000+09:00

പഴമപ്പാ

2006-04-09T23:40:00.000+09:00